Тұмаумен ауырып жатқан адам тәулігіне 2 литр сұйықтық ішкені дұрыс. Ол ағзадан вирустың тез шығып кетуіне көмектеседі. Сондай-ақ, тұмау індеті басталған кезде қолды күніне 5-6 рет сабындап жуған дұрыс. Бұл тұмау жұғуды 2 есеге төмендетеді.
Тұмаудың тағы бір емі – бал қосылған сүт. Ауырған кезде сүті бар шайға бал қосып, және сүтке сарымай қосып ыстықтай ішіңіз. 1 стақан ыстық сүтке 1 шай қасық бал, ұсақталған немесе үккіштен өткізілген сарымсақтың бір бөлігін араластырыңыз. Дәмді болмаса да бұл тәсіл тұмауды бірден жояды.
Мұрныңыз бітіп қалса, пияздың суы да жақсы көмектеседі. Ол үшін таза мақтаны пияздың суына шылап, бірнеше минут мұрын қуысына салып қойыңыз.
Үйдің ауасын желдетіп тазалап отырыңыз. Үйіңізге адыраспан түтетіп оны иіскесеңізде тез көмек береді.
