Заңды тұлға құрылтайшыларының құрамын қайта тіркеу?

0 дауыс
393 қаралым
Заңды тұлға құрылтайшыларының құрамын қайта тіркеу үшін қайда жүгіну қажет және қандай құжаттар талап етіледі?
Заң

1 жауап

0 дауыс

Қазақстан Республикасының «Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы» 1995 жылғы 17 сәуірдегі № 2198 Заңының (бұдан әрі – Заң) 14-1-бабына сәйкес жеке кәсіпкерлік субъектісіне жатпайтын заңды тұлғаның, сондай-ақ акционерлік қоғамның құрылтай құжаттарына, олардың филиалдары (өкілдіктері) туралы ережелерге мемлекеттік (есептік) қайта тіркеуге әкеп соқпайтын өзгерістер мен толықтырулар енгізілген жағдайда заңды тұлға, филиал (өкілдік) тіркеуші органға бұл жөнінде жарғыға (ережеге) өзгерістер мен толықтырулар енгізу туралы шешім қабылданған күннен бастап бір ай мерзімде хабарлайды.

Хабарламаға заңды тұлға мөрімен бекемделген, құрылтай құжаттарына өзгерістер мен толықтырулар енгізу туралы заңды тұлғаның уәкілетті органының шешімі не шешімінен үзінді көшірме, сондай-ақ жеке кәсіпкерлік субъектісіне жатпайтын заңды тұлғаның, сондай-ақ акционерлік қоғамның құрылтай құжаттарына, олардың филиалдары (өкілдіктері) туралы ережелерге енгізілген өзгерістер мен толықтырулардың мәтіні қоса беріледі. Жеке кәсіпкерлік субъектісіне жататын заңды тұлға орналасқан жері ауысқан кезде ғана тіркеуші органға хабарлайды.

127,680 сұрақ
322,223 жауап
153,247 пікір
72,705 қолданушы