Мен осы тақырып жайын зерттеуде едім, енді мәліметтеріммен бөлісейін:
Абай атамыз "Орыс тілін оқыңыздар. Ол сіздердің көздеріңізді ашады!" дегеніне келісесіз бе?
-Келісу керек, Абай атамыз тірі болғанда казір де сол сөзін қайталаса қателеспес еді деп ойлаймын.Абай атамыз "Орыстың тілі, дүниенің кілті"-деген кезде біздің қазақ халқына ең жақын ғылымға көзі ашық жұрт орыс халқы еді,олай болса Абай атамыз білімді орыстан үйрен демегенде, ол заманда аздаған оқыған қазақтар болмаса жалпы қазақ өмірі атын естімегенағылшын, неміс т.б. туралы не айта алар еді.Жалпы адам қанша тіл білсе де артықтық етпейді,оның ішінде орыс тілін бәріміздің білгеніміз абзал болар еді.Орыстар біздің, біз орыстардың көршілеріміз, ешқайсымызда жерімізді арқалап басқа бір жаққа көшіп кетеалмаймыз. Демек бір-бірімізбен белгілі бір қалыпта қарым-қатынасымыз болады, сондай жағдайларда керегі болады деп ойлаймын.
Үштұғырлы тіл жай ғана әдемі тұжырымдама немесе тілдік саясаттың жаңа формасы ретінде пайда болмағанын, ол өмірлік қажеттіліктен туындаған игілікті идея екенін көп шенеуніктер айтып жүр. Оған мысалдар көрсетіп, халықты сендірмекші болатындары да бар. Мысалында, қазіргі кезде күллі әлемге есігін айқара ашып, «ақылды» экономиканы енгізіп жатқан батыс елдері қарыштап дамып жатқанын, бұл бағыттағы толайым табыстарға, ілім-білімге алып барар жол - ғаламшардағы үстемдік құрған тілдерді (ағылшын, орыс тілдері) үйрену керек екендіктерін айтады. Қай заманда болсын, бірнеше тілді меңгерген мемлекеттер мен халықтар өзінің коммуникациялық және интеграциялық қабілетін кеңейтіп отырғанын ұдайы назарға алып, ежелгі дүниедегі Мысырдың өзінде бірнеше тілді білетін мамандар иерархиялық сатымен жоғарылап, көбіне салық төлеуден босатылғандығы жайлы осыдан Х немесе ХХ ғасыр бұрын болған тарихи оқиғаларды да айтудан тайынбайды. Әрине, бұл мысалдарды көбінесе қазақ тілінен жұрдай, өзге бірнеше тілді меңгерген шенеуніктеріміз айтатыны белгілі. Алайда, тарихтағы мысырлықтармен қазіргі дәуірді салыстыруға еш келмейтінін көбі түсіне бермейді.
Ағылшын тілі халықаралық тіл екені, әлемнің 70 пайыз ақпары осы тілде екені де белгілі. (Орыс тіліндегі әлемдік ақпар саны 0,01 пайыз ғана.) бірақ бұл неміс, француз, жапон, үнді тілдері маңызсыз дегенді білдірмейді. Ол тілдерде де көп ақпар топтасқан. Ендеше тұғыр тек біреу ғана (Бүркіт тұғыры екеу болмайды ғой!) - ол қазақ тілі. АЛ ол тұғырдағы бүркіт қазақ қай тілді үйренеді, өз еркі. Қазақ тілінен басқа тілдің бәрі шет тілі. Шет тілі ретінде орыс тілін, қытай тілін, чукча тілін үйренсе болады, ағылшын үйренсе жарайды, тіпті латын америкалықтар тілін (испан) үйрену де керек. Тек өз тіліңде ойлай білуің, құрметтей білуің, еркін әрі таза меңгеруің керек.
