Дүниеге перзент келді.Сізді алғашқы аптадан-ақ нәрестені қалай қоректендіру керек деген мәселе толғандыра бастайды. Өйткені кей аналар нәрестеге дәкеге орап печенье,құйрық салады немесе дүкеннен қолына түскен қоспа алып береді. Бұдан нәрестенің іші өтеді. Экссудативтік диатез деген немесе басқа қауіпті ауруға шалдығады. Нәрестеге көрінген нәрсені бергенше, алдымен балалар дәрігеріне жолығып, оған қандай тамақ беруге болатындығын біліпалыңыз. Қосымша тамақ беру қажет болса, сәбилерге арналған арнайы қоспаларды алыңыз.Біздің өнеркәсібіміз мұндай тамақтардың алуан түрін шығарады.Олардың ішінде құрғақ та, сұйық та сүт қоспалары бар. Бұл ет қоспалары құрамдары жағынан жақын және емшектегі балаларға арналған. Емшек сүтінде нәрестенің дұрыс өсіп жетілуіне қажеттік қоректік және биологиялық белсенді заттар бар, олар өсіп келе жатқан сәби организмінің талап-тілектерін қанағаттандыра алады. Сиыр сүтін ана сүтіне жақындату үшін оған өнеркәсіпте қоспа әзірлеген кезде кілегей,өсімдік майын,қант, қарақұмық ұнын, күріш пен сұлы ұнын, А.С,Д,В,Е,РР витаминдерін темір препараттарын қосады.Нәрестенің асқазанына барған бұл қоспа іріген кездеана сүтінің белогы ұйыған кездегідей өте майда әрі жұмсақ іріктер пайда болады. Нәрестеге беруге арналған мұндай қоспаларға «Малютка», «Малыш», «Нан», «Нестле», «Нестожен», «Нутрилон», «Хумана» қоспалары және т.б. жатады. Нәрестелер үшін ана сүті таптырмайтын қоректік зат болғанымен тез өсіп келе жатқан балаға қосымша витаминдер, микроэлементтер, кейде тіпті белоктар да қажет. Витаминдер мен микроэлементтер бала организміне жеміс, көкөніс шырындарымен, пюрелермен бірге енеді. Балаға беретін шырынды ішкізер алдында ғана әзірлейді. Жас көкөніс пен жаңа піскен жемістер жоқ болған жағдайда 1-2 айлық нәрестеге тазартылып қалбырланған шырындарды, ал 3 айлығынан бастап жемістердің еті араласқан шырындарын беруге болады. Баланың ішін өткізіп алмас үшін шырындарды нәрестеге алғаш аз-аздан ішкізіп үйрету керек, әдетте бірінші күні балаға 2-3 тамшы шырын, екінші күні 5-6 тамшы шырын береді, сөйтіп оның мөлшерін ептеп бірте-бірте көбейте бреді. Баланың витаминдерге деген қажетін өтеу үшін 2-3 айлық нәрестеге күніне 30-50 мл шырын, ал 7-12 айлық сәбиге 60-80 мл шырын берген жөн.
