Ырғыз ауданының Нұра ауылдық округіне қарасты Нұра, Мамыр, Белшер, Дүкен елді мекендеріне ауыз су аудан орталығынан тасымалданып отырғаны белгілі. Аталған мәселе біртіндеп шешімін табатын болады. Осы мақсатта Нұра, Мамыр ауылдарының тораптық ауыз су құбыры құрылысына 633917,0 мың теңгеге, Белшер ауылының дербес ауыз су құбыры құрылысына 172241,0 мың теңгеге жобалау-сметалық құжаттамалары дайындалып, тиісті мемлекеттік сараптама қорытындысы 2015 жылдың қаңтар айында бекітілді. Облыстық энергетика және тұрғын үй-коммуналдық шаруашылығы басқармасы арқылы 2016 жылдың республикалық бюджет өтініміне енгізілді. Дүкен елді мекені аумағында жер асты су көздерін зерделеу жұмыстары 2016 жылы аяқталатын болады.
