Әуелі бұл ақтаңдақтың пайда болу себебін білу қажет.
Ақтаңдақ (пигментті ақтар) теріге туа бітеді. Сондай-ақ ағза қызметіндегі әр түрлі ауытқуларға байланысты немесе сыртқы жағдайлардың (күюден, үсуден кейін) ықпалынан да болуы мүмкін. Әр түрлі ақтаңдақ бүйрек безі ауырған кезде, ағзаға никотин қышқылы, сондай-ақ витаминдер (пеллагра) күрт жетіспей қалған жағдайда пайда болады.
Ақтаңдақты тұрғылықты жерде дәрігерлік-косметологиялық мекемелерде емдейді. Үй жағдайында дақты аздап кетіру үшін теріні ащы айранмен сүртуге болады. Сондай-ақ кейбір дәрі-дәрмекті өздерің де дайындап ала аласыңдар. Ол үшін бір қасық лимон шырыны мен асқа пайдаланатын әлсіз сірке суын араластырып, оған шай қасық қайнаған су қосады. Мұндай қоспамен бетті күн сайын сүртіп тұру керек. Сондай-ақ бетті туралған лимонмен, қиярмен, ащыған айранмен сүртіп, сонан соң жуады да, опа жағады. Ақтаңдақты толық кетіру үнемі мүмкін бола бермейді. Дегенмен бір-екі ай бойы дәрі-дәрмекті үзбей жағып жүру айтарлықтай нәтиже береді.
