«Келін түсіріп, қыз ұзату» – әр қазақтың арманы. «Ұлын ұядан ұшырып, қызын қияға қондыру», жастарға бөлек отау тігіп, үйлі-баранды ету – әрбір ата-ананың парызы.
Кез келген тойдың машақаты да көп, көңіл қуантар рақаты да аз емес. Әсіресе, қыз ұзатудың «болғанынан боладысы қызық». Өйткені бұл тойдың кәдесі мен жөн-жоралғысы тізбектеліп, бітпей қоятыны бар. Бұл – қазақтың қыз баланы қаншалықты аялап, құрмет тұтатындығының белгісі болса керек.
Қазіргі таңда қыз ұзату тойы үйлену тойынан артық өтпесе, кем өтпейді. Көзге бірден ұрып көрінер ең өрескел тұсымыз – біз қазір құдды қызымыз үйленіп жатқандай, жас жұбайларды қыз жолдас, күйеу жолдасымен бірге төрге отырғызып қоямыз. Орыс пен Батыстан «жұққан дерт». Бұл жігіт жақта өтетін үйлену тойына жарасатын көрініс емес пе? Бұл дәстүр дұрыс бірақ,оны сол қыздың өз туып-өскен шаңырағында атап өтуі қажет сияқты...тойхана,кофе,бар не керек?
