Әлем бойынша салалық көрмелер мен жәрмеңкелер бизнесті жылжытудың тиімді құралы болып табылады. Сондай-ақ Ресей мен шетелдегі іскерлік туризм бойынша түрлі көрмелік форумдарға, әсіресе ірі тақырыптық конференциялар және workshops-терді қатар өткізумен аралас жүретін мамандандырылған көрмелік шараларға деген қызығушылық жыл сайын арта түсуде. Көрмелік менеджментке оқытуға аса үлкен маңыз берілуде.
Жыл сайын және тұрақты түрде шамамен 20-ға тарта халықаралық мамандандырылған іскерлік туризм көрмелері, кездесулері мен шаралары өтеді. Сонымен қатар көрменің «бір шатырының астында» іскерлік туризм индустриясы, MICE ұйымдастырушыларымен қатар қызметті ұсынушылар мен тұтынушылар бірге топтасады. Көрмелер аясында іскерлік туризм қарқыны мен өзекті мәселелерін талқылайтын көптеген конференциялар, семинарлар, тренингтер, тұсау кесерлер өтеді. Мұндай іс-шараларға кездесу индустриясының халықаралық ұйымдары мен ұлттық бірлестіктері белсене қатысады.
Ең ірі салалық халықаралық көрме ретінде Дүниежүзілік Интенсив-сапарлар, Кездесулер мен Шаралар көрмесін атауға болады (The Worldwide Exhibiton for Incentive Travel, Meetings and Events – IMEX) (Франкфурт-на-Майне).
Сонымен қатар іскерлік туризмнің беделді салалық көрмелері ретінде мыналарды мысалға келтіре кеткен жөн: Еуропалық Интенсив-сапарлар, Кездесулер мен Шаралар көрмесі (European Incentive & Business Travel Meeting Exhibition – EIBTM) (Барселона); Кездесулер мен Оқиғалар көрмесі – Халықаралық Confex (The Meeting and Events Exhibition – International Confex) (Лондон); Іскерлік Туризм нарығы (Business Travel Market – BTM) (Лондон); Мотивациялық азық-түліктер мен қызметтер, интенсивтер мен кездесулер көрмесі (The Motivation Show – Incentive Travel&Meetings Executive – IT&ME) (Чикаго); Интенсив сапарлар мен кездесулердің Азиялық-тынықмұхиттың көрмесі (The Asia-Pacific Incentive and Meetings Expo – AIME) (Мельбурн); ITB Asia азиялық туризм нарығының көрмесі (The Trade Show for the Asian Travel Market – ITB Asia) (Сингапур), Халықаралық кездесу индустриясы мен іскерлік туризм көрмесі/конференциясы (Meeting Industry Business Exhibition – MIBEXPO Russia) (Москва) және т.б.
