ҚР ІІМ Жол полициясы комитеті мамандарының мәліметінше, ҚР «Жарнама туралы» Заңының баптарында және Мемлекеттік стандарттың 4.1.11 тармағында жол қозғалысы қауіпсіздігін қамтамасыз ету және автокөлік құралының моделін, мемлекеттік нөмірі мен түсін идентификациялау шарттарына сәйкес, көліктің алдыңғы, артқы тұстары мен терезелеріне, жанындағы терезелерге, төбесіне жарнама орналастыруға тыйым салынатыны көрсетілген. Сондай-ақ жарнама сипаты жоқ басқа да жапсырмаларды қолданып, терезелерді тұмшалауға рұқсат беру қарастырылмаған. Ал аэрограф пневматикалық құралымен көлік сыртын көркемсуретпен безендіруге тыйым салынбайды.
