Фатиха және үш рет Ықылас сүрелерін оқып болғаннан кейін мынандай дұға оқимын: Алхам ду лиллах, алхам ду лиллах, алхам ду лиллах! Я Аллах, я Аллах, я Аллах! Осы оқылған Құран Шарифтің сауабын, ішкен-жеген тағамдарымыздың сауабын, әуелі өзіңнің ризашылығың үшін, пайғамбарымыз Мұхаммед Мұстафа сафиолланың рухына, оның үй-ішіне, пайғамбарларға, әулие-әнбиелер мен машайық-пірлерімізге бағыштадым. Осы өмірден өткен барлық мұсылман рухтарына бағыштадым! Арнайылап ..... ( аты-жөндерін айтасың. мысалы, Жүніс баласы Нартайдың рухына) Жатқан жерлері жайлы болсын! Аллах тағала имандарын серік етсін! Осы өмірде біліп істеген, білмей істеген үлкенді-кішілі күналарын кешіріп, жақсылардың қатарына қоссын! Аллах тағала арттарында қалған жандарға бірлік пен береке беріп, аурудан-сырқаудан, бәледен-жаладан, қауіптен-қатерден сақтасын! Өліге иман, тіріге берекет берсін! Аумин! - деп қайтарамын.
