Сәлем, достар!
Баршаңызды келіп жеткен Ұлыстың Ұлы мерекесі Әз Наурызбен құттықтаймын! Күн мен түн теңеліп, күн шуағы кеңінен шашылатын бұл күн баршамызға ырыс-құт, бақ-береке, шаттық пен қуаныштар әкелсін!
Назарларыңызға қазақтың ұлттық тағамдарының бірі құрттың дайындалуын ұсынамын. Алдымен, осы тағам жайлы өзім білетін аз-маз ақпарат бере кетейін. Құрт - ұзақ уақыт сақтауға арналған мал сүтінен дайындалатын тағам. Ескіде әжелеріміз сабаға сүтті құйып, оны ашытқан. Кейін сүт бетіне қалқып шыққан майды жеке алып, тұздап, қарынға салады. Ал іркіген бөлігін қазанға салып қайнатқан. Содан соң арнайы қапқа я дорбаға салып, жоғары жаққа іліп, сары суын ағызады. Шамамен, бір күн тұрған соң, ол өздігінен қатып, құрғай бастайды. Осы кезде оны бөліп, шиге немесе өреге жайып кептіреді. Қалалық жағдайда тақтайға жаюға тура келеді. Негізі, құрттың да бірнеше түрі бар: жас құрт, көбік, сықпа құрт, ыстық құрт, сүзбе құрт, малта тсс. Құртты тұрақты пайдаланатын тағам ғана емес, оны тұздық ретінде де пайдалануға болады.
Бүгінде қатық дайындау дәстүрі әр өңірде әрқалай сақталған. Біз көбіне айран іріткісінен қатық жасаймыз. Менің жеңгем ауылдан дайын қатық беріп жіберген соң, мен бірден құрт жасауға кірістім. Алдымен қатықты араластырып алған дұрыс. Құртты әр түрлі пішінде жасауға болады. Мерекеге орайластырып, мен келесідей пішінде жасауға бел будым.
Samsung - Nauryz =)
Назарларыңызға рахмет!
Мереке құтты болсын!
Құрметпен, Ғазиза
