Достық сұрақ қойды | 43.8k қаралды
43.8k қаралды
Үйлену тойға тілек айтыныздаршы?

6 жауап

жауап берді
Құрған шаңырақтарың биік, босағаларың берік, керегелерің кең болсын!
Үйлеріңнің іші жанға, сырты малға толсын! Екі жаққа да сыйлы болыңдар! Денсаулықтарың зор, Махаббаттарың баянды болсын!
***
"Махаббат" байлық пен бақыттың қолдағанын ұнатады дейді, ендеше бай болыңдар, бақытты болыңдар! Аспандарың ашық болсын, дастархандарыңнан қонақ үзілмесін!
 ***
Екі жастың көтерген шаңырағы биік,босағалары берік болсын! Махаббаттары баянды да тәтті болсын ! Өмірлері күндей, көңілдері гүлдей, армандары асқар таудай болсын ! Тату да тәтті өмір сүріңдер!
***
Жаңа өмірге қос аққудай қол ұстасып бірге аттаған қадамдарың құтты болсын!
Сіздерге осы қуанышты күні босағаларың берік, керегелерің кең болсын деп тілеймін! Жездем апайыма адал жар болсын, апайым осы шаңыраққа қонған бақ болсын!
Әрқашан алақандарың ашық, өмірге машық, бір-біріңе ғашық болып, алдағы ұзақ ғұмырды сыйластықта өткізіңдер!
жауап берді
үйлену тойына арналған тілектер
 
Адамның бір қызығы бала деген,
Баласыз көңіл шіркін толар ма екен.
Дүбірлі той жасамай баласына,
Қазақтың жағасы жайлауына қонар ма екен.
 
Құтты болсын шалқар тойың,
Тарқамасын үйіңнен қызық-ойын.
Бақытына кенеліп екі жастың,
Тола берсін ырысқа қоныш-қойның.
 
Ақ тілегін ақтарылған бүгін дәйім,
Қабыл болсын ниеттер ылғидайын.
Түгенделген ұлыңның үш жұртының,
Ынтымағы жарассын барған сайын.
 
Кенелген көкірегіме тілегімді,
Білесің ақ көңіліммен тілерімді.
Ұрпағың ұрпағыңа ұлассын деп,
Ұсындым ақ тілеулі жүрегімді!!!
***
Құрметті тойшы қауым!  
Бүгін міне Сырымның  ауылында,
Алатаудың бауырында
жадырасып жарасатын,
жамырасып тарасатын,
балдай тәтті тілектер тыңдалатын,
ән тербеген жүректер нұрланатын,
қызығы күннен күнге жырланатын,
келмегендер қызықтан құр қалатын
бір тамаша той болып жатыр.
жауап берді
Үйлену тойына тілек
Қымбатты жас жұбайлар .... - .........!

Сіздерді бүгінгі некеге отыру салтанатымен шын жүректен құттықтаймын!
Халқымызда «Отан отбасынан басталады» деген сөз бар. Сіздер бүгін мемлекеттің кіші моделі – отбасын құрып, өз алдарыңызға отау тіктіңіздер. Яғни, бүтіндей бір мемлекеттің тәуелсіздігін жарияладыңыздар. Сіздер құрған жас мемлекеттің Отанымыз Қазақстан секілді бай-қуатты, іші тату, сырты қауіпсіз, өмірі бейбіт, бар мүшесі бақытты болуына тілектеспін.
Үйлену – тек неке қию емес, маңызды әлеуметтік оқиға, үйлену – екі жастың бір-біріне тағдырларын сеніп тапсыруы. Жас отау иесі ......... осы сәттен бастап, өзі сүйіп қосылған .......... жұбайының болашағына тікелей жауап беретін болады. Отбасын құру – өте үлкен жауапкершілікті жүктейтін іс. Жұмыста өзін жауапкершілігі мол қызметкер ретінде көрсеткен Жарқын, жанұяда да осындай қасиетімен дараланатынына сенімім кәміл.
Алла Сіздердің сезімдеріңізді мәңгілік жас, жүректеріңізді егіз, тілектеріңізді бір ете көрсін! Жұптарыңыз жазылмасын. Ата-ана, туыс-туған, дос-жарандарға сыйлы, үлгілі жанұя атаныңдар. Махаббат айдынындағы сапарларың сәтті, бақыттарың баянды болсын!сс
жауап берді

ШАҢЫРАҚТАРЫҢ БИІК, КЕРЕГЕЛЕРІ КЕҢ БОЛСЫН!

Жаңа өмірдің есігін ашып, табалдырығын аттағалы тұрған бұл екі жасқа тілейтініміз: қатар ұшқан аққудай жұптарың жазылмай, әрдайым бірге болыңдар. Шаңырақтарың биік, керегелерің кең, босағаларың берік болсын. Бақытты болыңдар!

Кұрметті жастар сендерді заңды некелеріңмен құттықтаймын! Басқан қадамдарың ақ, шаңырақтарың биік, керегелері тең болсын. Бірің ай, бірің күн болып, арттарыңнан жұлдыздарың ере берсін. Бақытты болыңдар!

Жақсы әйел – жігітке біткен бақ, жақсы жар, жайлы қоныс – алтын тақ дейді. Шаңырақтарыңыз биік, босағаларың берік болсын!

Екі жастың көтерген шаңырағы биік, босағалары берік болсын. Махаббаттары баянды да тәтті болсын. Өмірлері күндей, көңілдері гүлдей, армандары асқар таудай болсын. Тату да тәтті өмір сүріңдер!

Құрметті қауым, бүгін бәріміз үшін қуанышты күн. Әсіресе, жас жұбайлардың ата-анасы үшін ерекше күн. Жастар бір-бірімен жарасып, отау құруға бел буыпты. Жас отаудың шаңырағы биік болсын! Керегесі кең болсын!
Ал, Айдана, бағың ашылсын, айналайын! Ата-анаңның үйінен ата-енеңнің үйіне кетіп бара жатырсың, қадамың құтты болсын.
Айдар інім, басыңа қонған бақытың – Айдана екеуің ұзақ, тату-тәтті өмір сүріңдер. Үлгілі отбасы болыңдар. Бір-біріңе деген махаббат пен құрметтерің өмір бойы жалғассын.
Құрметті құдалар, бүгін сіздер аяулы қыздарыңыз Айдананы ұядан ұшырып отырсыздар. Қыздарыңыз бақытты болсын, сыйлы келін, аяулы ана атансын. «Құда мың жылдық» деген бар, сыйластығымыз мың жылдай ұзақ болсын.

Баяғыда бір ауылда екі би қайсысы мықты деп халық айтысып қоймайды екен. Расында да екеуі де ақылды, екеуі де сөз тапқыр, шешен, күшті болған. Сондықтан кім мықты екенін анықтау оңайға түспепті.
Бір күні біреуі екіншісіне кіріп шығуға үйіне барса, үйдің иесі оны жақсы қарсы алыпты.
Кейін кім мықты деген сұрақ қайта көтерілгенде жұрттың пікірі тағы да екіге бөлінген: біреулер біріншісі мықты, қалғандары екіншісі мықты дейді.
Сонда бидің біреуі айтқан екен: «Жоқ, мықты мен емес. Мықты – анау. Өткенде бір жұмыспен үйіне барғанымда сүт пісетін уақытта шәй келді. Шәй ішіп болам дегенше ет әкелінді. Бұл жігіттің бағы әйелінде екен» деп мойындапты.
Сол сияқты қолыңа қондырған құсың басыңа бақ болып, дастарханы жиылмайтын, көк шәйнегі суымайтын, қазаны оттан түспейтін, үйінен қонақ кетпейтін жан болсын.

Баяғыда Төле би бабамыз жаудан қалған бір жастағы баланы тауып алыпты. Оны бір келініне әкеліп: «Бір жылдан кейін тексеремін, өз балаңа қалай қарасаң, бұл балаға да солай қара» депті.
Бір жылдан кейін қараса, келіннің өз баласы топ-томпақ, ал атамыздың қалдырған баласы ап-арық. «Бұл не жағдай?» деп Төле би атамыз сұрамай ма.
Сөйтсе, келіні: «Ата, екі баланы да бірдей еміздім. Сүтімді екеуіне тең бөліп беріп жүрдім. Бірақ неге осылай болғанын өзім түсінбей отырмын» дейді.
Сонда Төле би атамыз: «Өз балаңды қалай еміздің?» десе, келіні: «Өзімнен шыққан бала ғой деп, маңдайын иіскеп, құйрығынан қағып отырамын» дейді.
Оған Төле би атамыз: «Балаға ең алдымен сүт емес, ананың мейірімі керек. Сен мейіріміңді өз балаңа төккенсің, ал бұл балаға сондай мейіріммен қарамағансың» деген екен.
Сол айтпақшы, сіздер де екі балаға бірдей мейіріммен қарайды деген сенімдеміз. Қызымыздың барған жерінде бағы ашылып, бақытты болсын дейміз.

Сырға тағу деген қазақ халқының баяғыдан келе жатқан жақсы дәстүр. Бұл деген бас қоссақ, отбасын құрсақ деген таза ниет.
Біз де ата-бабамыздың дәстүрін сақтап, сіздердің балаңызға сырға салу үшін келіп отырмыз. Жастар бір-бірін ұнатып, шаңырақ көтеруге бел буыпты. Олай болса, жастардың ниетін неге қолдамасқа.

«Іздеушілер көп болғанымен, тапқандар – табылмайды», — деген екен біреу. Бүгінгі төрде отырған қос ғашық бір-бірін тапқан бақытты жандар екенінде күмәніміз жоқ. Олай болса, отауларың мәңгі нұрға бөленіп, сол нұрдың жарығы өмірлеріңе жол көрсетіп жүрсін. Шуақ шашқан шаңырақтарың биіктей берсін. Үбірлі-шүбірлі болыңдар!

Сіздерді бүгінгі некеге отыру салтанатымен шын жүректен құттықтаймын! Халқымызда «Отан отбасынан басталады» деген сөз бар. Сіздер бүгін мемлекеттің кіші моделі – отбасын құрып, өз алдарыңызға отау тігіп отырсыздар. Яғни, бүтін бір мемлекеттің тәуелсіздігін жарияладыңыздар. Сіздер құрған жас мемлекет Отанымыз Қазақстан сияқты бай-қуатты, іші тату, сырты қауіпсіз, өмірі бейбіт, ал өздеріңнің бақытты болуларыңа тілектеспін.

Алла Сіздердің сезімдеріңізді мәңгілік жас, жүректеріңізді егіз, тілектеріңізді бір ете көрсін! Жұптарыңыз жазылмасын. Ата-ана, туыс-туған, дос-жарандарға сыйлы, үлгілі жанұя атаныңдар. Махаббат айдынындағы сапарларың сәтті, бақыттарың баянды болсын!

Екі жастың көтерген шаңырағы биік, босағалары берік болсын. Махаббаттары баянды да тәтті болсын. Өмірлері күндей, көңілдері гүлдей, армандары асқар таудай болсын. Тату да тәтті өмір сүріңдер!

Жаңа өмірге қос аққудай қол ұстасып бірге аттаған қадамдарың құтты болсын!
Сіздерге осы қуанышты күні босағаларың берік, керегелерің кең болсын деп тілеймін! Жездем апайыма адал жар болсын, апайым осы шаңыраққа қонған бақ болсын. Әрқашан алақандарың ашық, өмірге машық, бір-біріңе ғашық болып, алдағы ұзақ ғұмырды сыйластықта өткізіңдер!

Құрметті жас жұбайлар! Заңды некелеріңіз құтты болсын. Сіздерге Алатаудың шыңындағы ақ қардай таза пәк көңіл, сол шыңдардан сарқырай аққан кәусар бұлақтай мөлдір махаббат тілеймін. Сіздерге алтын күздің ырысын, денсаулықтың қыстай мықтысын, көктемдей көл-көсір өмір, жаздай жадыраған өмір тілеймін. Қыздарың моншақты, ұлдарың оншақты болсын. Шаңырақтарыңның керегесі кең, терезесі тең, босағасы берік, еңсесі «Келісім сарайындай» биік болсын!

Сіздерді бүгінгі салтанатты заңды некелеріңізбен, отау құрып, шаңырақ көтерулеріңізбен шын жүректен құттықтаймын.
Жаңа өмірге қос аққудай қол ұстасып, бірге аттанған қадамдарыңыз құтты болсын. Отбасының қуанышын, алдағы бар өмірлеріңізді сыйластықпен өткізіп, келешектерің тек сәттілікпен жалғаса берсін. Ата-ана, туған-туыс, бауырларыңызға сыйлы және үлгілі отбасы болыңыздар. Әрдайым шаңырақтарыңыз шаттыққа, бақытқа және сәбидің үніне толсын.

Мына жерден қараңыз - https://surak.baribar.kz/go.php?url=http://tilek.kz/uilenu-toyyina

жауап берді
лента кескенде айтылатын балаларға тақпақтар керек еді
жауап берді
Тойға жақсы құдаша едім жаксы тилек айтасздарма алдын ала раxмет

Сіздің жауабыңыз

Есіміңіз:
Құпиялық: Email поштаңыз тек сізге хабарлама жіберу үшін ғана қолданылады
Спамға қарсы тексеру:
Он бірге бесті қосыңыз?
Модерациядан өтпес үшін сайтқа кіріңіз немесе тіркеліңіз
117,505 сұрақ
301,256 жауап
153,264 пікір
64,492 қолданушы