Бала есіміне мән беру керек.Ауыр қойылған есімді сәби көтере алмайды. Бірақ күлкі тудыратын, мән-мағынасы жоқаттар әлі де көп. Адамзат бұдан құралақан емес. Мысалы,Үндістанда Брахматра есімді студент бар. Оның аты 1478 әріптен тұрады. Бұл әлемдегі еңұзын есім. Оның ішінде не жоқ дейсіз: туған жері мен әке шешесінің аты, танымал адамдардың есімі, бәрі бар. Жалпы, оның толық аты-жөні мен фамилиясын айтып болғанша, толықтай 10 минут уақыт кетеді екен. Брахматраға бәсекелес бола алатын бір-ақ адам бар. Ол - С. Эллен Джорджиане Сер- Леккен. Ары қарай 597 әріпті шатаспай айтып шығуыңыз керек. Әрине, мұндай есімдерді адамдар ырыммен, жақсылық ниетпен қояр. Бірақ ағылшында бір қанатты сөз бар, «кемені қалай атасаң, ол солай жүзеді». АҚШ психологы Джон Треин Америка құрлығында кездесетін есімдердің коллекциясын жинаған көрінеді. Сөйтсе, дәріханалық кәсібі бар бір отбасы бала-шағасына мынандай есім қойыпты: Менингит, Ларингит, Аппендицит, Перитонит, Тонзиллит. Ай аттарымен өмір сүретіндер де бар, Франциядағы бір үйде Январь, Февраль, Март, Апрель деген балалар тұрадыекен. Үндістер ең жақсы көретін балаларын «Аю», «Мүйізтұмсық» деп атайтын көрінеді. Мұндай нарсе қазаққа да жат емес, қазақтар «балаларын ,«қошақаным, ботам» деп еркелетеді. Жалпы, жақсы ниеттен туған мағыналық атауға қуану керек. Десек те, өмірдің қарама-қарсы қайшылық тұстары көп. Өйткені... Әңгіме адам есіміне де тіреліп тұрмаған сияқты. Аты төрткүл дүниеге мәшһүр тұлғалардың өздері де қателік жасайды. Өмірде ақылдылардың жасаған ақымақтық әректтері туралы том-томдап еңбек жазуға болады. Ұлы ойшылдар ғана ұлы қателік жасайды дерсіз, әрине, құдай сақтасын, бірақ күлкі келтіретін көріністен өліп кеткен ақылдылар өте көп.
