МҰҒАЛІМ
Білімнің жаққан шырағын,
Кездессе қайда мұғалім,
Беремін сәлем ізетпен,
Басымды иіп тұрамын.
Санамның аршып бұлағын,
Жаттаған үнін құлағым.
Жақсылық жолын үйреткен,
Қадірлі адам - мұғалім.
Өмірлік қымбат мұғалім,
Қадірлі жан деп ұғамын.
Атанып жақсы ұланың,
Жолыңды жарқын қуамын.
АНАМЫЗ БАР МЕЙІРЛІ
Анамыздың мейірлі
Жүзіне біз қараймыз.
Анамызды пейілді
Жомарт жанға балаймыз.
Бізге қарап елжіреп, ...
Сүйсе беттен күнім деп,
Құшақ ашса келші деп,
Жүгіреміз күлімдеп.
Анамызға еркелеп,
Қуантуды қалаймыз.
Өссек егер ертерек
Сый берер ек талай біз.
