"Темірді - тат, адам жанын қызғаныш жейді" Гүл,бұл отбасылық мәселе сізді ғана емес күйеуіңізді де әбігерге салып жүргені анық. Өйткені ол қызғанышын тежей алмай жүр, ал сіз оның қызғанышынан жапа шегудесіз. Қызғаныш екі адамның да жанын жаралайды. Қызғаныш екудің арасында жиі орын алатын мәселе. Сондықтан, бұл мәселеден құтылуға, күйеуіңізді қызғаншақтықтан арылтуға әрекет жасаңыз. "Қызғаншақтар үнемі дүрбімен қарайды, ол кішкентай нәрсенің - үлкен нәрсеге, ергежейлілерді - алыптарға жорамалды - шындыққа айналдырады" деп М. Сервантес айтқандай, қызғаншақ адам көп жағдайда ұрысқа себеп болар нәрсені өз қиялынан тудырып алады. Көбіне еркектер өзінің әйелін қызғануға себептерді өзі ойлап табады екен, әйелім де маған адал болмауы мүмкін деген созылмалы ойларынан арыла алмайтын көрінеді. Әйеліне деген күдіктенулерін ұрыс-керіс арқылы шығарады, және өз бойына жиналып қалған теріс эмоциалардан арылу үшін әйелін ұрып-жығады. Егер сіз күйеуіңіздің не себептен қызғанатынын анық білсеңіз, ортақ сенімділікті орната аласыз. Сөйтіп, еріңізді қызғаншақтық сезімінен арылта аласыз. Гүл, отбасыңыздағы кез-келген мәселеде одан қашуды емес, құтылуды ойлау керек қой. Ал сіз ажырасуды ойлап жатырсыз, ал балалардың толыққанды отбасында өскені дұрыс. Ең алдымен, күйеуіңіздің қызғануын сіздің сол адамға қымбат екеніңізді ұғыңыз. Оның қызғаншақтығы сізге эмоционалды тәуелдікте екенін біліңіз, қатынасыңызды сенімділік негізіне бұрыңыз, күйеуіңізге көбірек көңіл бөліңіз. Осыған орай, ақын Уәйс Шондыбайдың ой салар сөзін жадыңызда ұстаңыз: "адамның нәпсісі - қасқыр, ақылы -қақпан, сол қасқырдлы ақылмен қақпанға түсіріп отырсаңыз, нәпсәнәң емес, ақылдың құлы боласың!"
Егер күйеуіңіз қызғаныштан ұрыс шығарып жатқанда , сіз ашу-ызаға жол берсеңіз, жағдайдың мәнісін саналы түсінуден қаласыз. Сондықтан мұндай жағдайда мейілінше сабырлы болғайсыз. Ерлі зайыптылар екі алақан секілді ғой, екеуін бар екпінмен әкеліп бір-біріне ұрсаңыз, сарт ете қалады. Ал, бір алақан өздігінен мұндай дыбыс шығара алмайды. Сол үшін де күйеуіңіз ұрыс шығарған да, сіз қарсы келмеңіз. Сонда ешқандай керіс орын алмайды. Күдік тудыратын ешқандай қылық жасамаңыз және ешқашан өтірік сөйлемеңіз. Сонда күйеуіңіздің сенімділігі артады, сізге сенбей жүргендіктен оның балаларға көңіл бөлгісі келмейді. Сенімділік мықтап орнаған жерде қызғаныш та болмайды. "Еркекті гүл ететін де, құл ететін де әйел"
