Бүгін ҚР Дін істері жөніндегі агенттік төрағасы Қайрат Лама Шәріп Астана және Қазақстан митрополиті Александрды Рождество мерекесімен құттықтады, деп хабарлады агенттіктің баспасөз қызметі.
Өзінің құттықтауында ол республиамыздың гүлденуіне өздерінің үлестері мен игі істерін қосып жүрген елдің православ азаматтарына ризашылығын бідірді.
«Осынау жарқын мерекеде барлық діндарларды ізгілік пен мейірімділіктің биік мұраттары біріктіреді. Мереке әр үйге игілік пен бақуаттылық әкелсін, бұл күндері бақыт, сүйіспеншілік, және береке жүректерді қуанышқа толтырсын», - деді Қ.Лама Шәріп.
Дереккөз: ҚазАқпарат
