Қостанай облысы 1936 жылғы 29 шілдеде құрылған. Оның әкімшілік орталығы әрдайым Қостанай қаласы болған.
Ал Торғай облысы 1970–1988 және 1990-1997 жылдары "өмір сүрді". Оның әкімшілік орталығы Арқалық қаласы болды.
1997 жылғы әкімшілік-аумақтық реформа нәтижесінде Торғай, Көкшетау, Жезқазған, Семей, Талдықорған облыстары жойылды. Енді Президент Қ. Тоқаевтың шешімімен, соңғы үшеуі Ұлытау, Абай және Жетісу облыстары түрінде қайта қалпына келтіріліп отыр.
Қостанай облысы әкімдігінің ақпаратына сәйкес, қазіргі уақытта облыс халқының ұлттық құрамы келесідей: қазақтардың үлесі – 39,71%, орыстар – 41,6%, украиндер – 8,6%, немістер – 3,2%, басқа ұлттар – 6,9%.
