Емханаға тіркелудің аса қиындығы жоқ. Менің білуімше, бұрынғы емхананың қызметі көңіліңізден шықса, тіркеу науқаны барысында қайта тіркелудің қажеті жоқ.
Емхананы басқа жерге қоныс аударғанда, жұмысын, оқу орнын ауыстырғанда, жазасын өтеу мерзімі аяқталғанда, әскери борышын өтеу мерзімі біткенде, бастапқы медициналық-санитарлық көмек ұйымы (БМСК) жабылғанда немесе қайта ұйымдастырылғанда, сондай-ақ, жыл сайын 15 қыркүйек пен 15 қараша аралығында өтетін тіркеу науқаны барысында ауыстыруға болады.
Өзіңіз тіркеуде тұрған емхана қызметіне көңіліңіз толмаған жағдайда да өзге емдеу ұйымына тіркелуге болады.
Тіркелудің үш жолы бар:
1.
1. fms.kz сайтының "Клиника таңдау" бөліміне кіріп емхананы таңдау.
2. Таңдап алған емханаға бару. Жеке куәлігіңізді ұмытпаңыз.
3. Тіркеу бөліміне жолығып, емхананың бас дәрігері атына тіркеу туралы өтініш жазасыз. Өтініш еркін формада жазылады.
2.
1. fms.kz сайтының "Клиника таңдау" бөліміне кіріп емхананы таңдаңыз.
2. www.egov.kz порталына кіріп, "Онлайн қызмет" тетігін басыңыз.
3. Сауалнаманы толтырып, өтінішіңізді жіберіңіз.
4. Өңделген анықтаманы Жеке кабинеттен табасыз ("Қызметті алу тарихы")
3.
1. fms.kz сайтының "Клиника таңдау" бөліміне кіріп емхананы таңдау.
2. ХҚКО-на барып, ConnectionPoint бөліміне жолығыңыз. Ол үшін ЭЦҚ немесе жеке куәлік қажет.
3. Егер ЭЦҚ болмаса - оған сол жерден тапсырыс беруге болады. ЭЦҚ болса www.egov.kz порталына тіркеліп, "Онлайн қызмет" тетігін басасыз.
4. Өтініміңізді толтырып, жіберіңіз (ЭЦҚ қажеті жоқ).
5. Өңделген анықтаманы Жеке кабинеттен табасыз ("Қызметті алу тарихы")
Егер сіз таңдаған дәрігерге тіркелген азаматтар саны тиісті межеден асып кеткен болса, тіркеу бөліміндегілер сізге басқа маманды ұсынады.
