Сәресінің аяқталу уақыты күннің шығуымен емес, таңның кіруімен есептеледі. Ендеше, аймағыңыздағы кесте бойынша таң намазы кіргенге дейін ауыз бекітіп үлгеруіңіз керек. Яғни, таң намазы кірісімен ішіп-жеуді тоқтату керек.
Құран Кәрімде ауыз бекіту уақыты жайында былай делінген: "...Таңға дейін, (яғни) "қара жіп" "ақ жіптен" айырылғанға дейін ішіңдер, жеңдер, содан соң оразаны кешке дейін толық орындаңдар..." [3]. Бұл аяттағы "қара жіп" - түнді, "ақ жіп" - таңды білдіреді. Яғни, қараңғылық кетіп, таң анықтала бастаған уақытта ішіп-жеуді тоқтату керек деген сөз.
