Ассалаумағалейкум, сжлықтар!
Көрінбей кеттіңіздер ғой. Бұрынғы көптеген қолданушылардың сайтқа кірмегеніне бірнеше айдың жүзі болыпты. Өзім де 1,5 жылдай сайтқа кірмей, енді кіріп отырмын, сағынып..
Баяғы "Сұрақ-жауап" сайты өзгеріп, "Бәрі бар" сайтына айналыпты. Өзгерген аты ғана емес екен. Өзгерістер көп. Сайтымыз дами түсіпті. Қуаныштымын ол үшін.
Бір өкініштісі, қолданушылар белсенділігі қатты төмендепті.
Бұрынғыдай осы сайт арқылы танысатындар, достасып, араласатындар да жоқ шығар қазір.
Біздің кезде... Көптеген қызық "біздің кезде" болды ғой. Әр ЖЖ мен "жоғары дауыс" үшін таласар едік. Модератор, редактор, тіпті маман болу үшін де барынша талпынатын едік. Ұзыннан ұзақ сөйлемдерді жазуға ерінбедік. Сайтқа кіруге уақыт табар едік...
Жеке өзім, бір қыз қолданушының жазғандары ұнап қалса, жх-сына жазып танысуға асықтым. Көптеген "аноним" н/е аты белгісіз қолданушылардың "бетпердесін" жаймен ашып, жеке таныстым. Кей қолданушылармен бетпе-бет кездестім де...
"Біздің кез" жайлы жаза берсем, уақыт жетпес... Тоқтайын.
Жалпы, сайт үшін жатпай-тұрмай еңбек еткен, етіп жатқан, (Алла бұйыртса) ете беретін БАС АДМИНІМІЗДІ ерекше атап өтпеуге болмас. Ереке, қазақ ғаламторына тигізіп жатқан пайдаңыз үшін өзіңізге рақмет. Іздеген нәрсемізді осы сайттан табатынбыз, бізден кейінгілер де табатынына сенімдімін. Сайттың қолданылу аясы кеңейіп, ғұмыры ұзақ бола берсін!
Қатты "ақылды" болып кеттік пе, әлде, есейдік пе, қоятын сұрақ жоқ қазір. Бұл жазып отырғаным да сұрақ емес. Жай, бірнеше жылым өткен, кезінде интернеттегі "үйімдей" болып кеткен, сж сайтына бір кіріп шығу, кезеңдес қолданушылардың хабарын білу мақсатында жазып отырған жазбам..
Мені танитындар және бұрынғы қолданушыларға, сайтымыздың алдыңғы буын өкілдеріне үндеу! Өткен кезеңді ұмыттырмау және таныстықты арттыру мақсатында, сіздерді уатсапп, вконтакте т.б. желілерде бір топқа жинамақшымын. Номер немесе сілтемелеріңізді жекеге жаза кетулеріңізге болады. Ешкімді қыстамаймыз.
Және де сайтқа айына бір рет болсын кіріп тұруларыңызды, кейінгі қолданушыларға білгендеріңізді үйретіп тұруларыңызды сұраймын.
Бар екеніңізді білдіріп, астына бірдеңе жаза кетіңіздер. Қуанып қалайық!
Құрметпен, Meddi.
