Қаржы сауаттылығы - бұл адамның өз табысы мен шығынын басқара алу, ақшаны дұрыс жарата, үлестіре білу және оларды сауатты түрде көбейте білу қабілеті. Басқа сөзбен айтқанда, қаржы сауаттылығы - қаржы жеткіліктілігіне қол жеткізіп, өзін дамыту деңгейін өмір бойы сақтай білу мүмкіндігін беретін білім. Қаржы сауаттылығын еңгерген адамдар экономикалық дағдарыс кезінде де әрі-сәрі күйге түспейді. Себебі оларда кез-келген қиын жағдай үшін "алтын қоры" бар. Олар бір жалақыдан екінші жалақыға дейін тиын санап күн кешпейді. Ал несиені тек оның болашақта үлкен пайда әкелетініне сенімді болса ғана алады.
