Question

Қоршаған орта табиғатты қалай сақтап қалуға болады? Қоршаған орта соңғы жылдарда қатты нашарланады. Көп машиналар, қауіпті зауыттар біздің табиғатымызға нашар әсер етеді. Әрине, біздің жақтан бұл үлкен қате, өйткені біздің маңызды парызымыз – табиғатты қорғау және келесі ұрпақтарға табиғатты жақсы қалпында беру

Comments

Қоршаған ортаны қалпына келтіру немесе сақтап қалу өзекті әрі ауқымды мәселе. Өйткені, ұзақ жылдар бойына адамзат табиғатты барынша пайдаланудың нәтижесінде, климатта айтарлықтай өзгерістер орын алды. Қоршаған орта – аты-ақ айтып тұрғандай, бізді қоршаған әлем.

Сұраққа жауап бермес бұрын, мына бір сөзді жазайын. «Өзің қандай болсаң, айналаң да сондай» Сондықтан, заң шығару, реформа жүргізу, қылмысқа тарту, жазалау сынды әрекеттерге бармас бұрын, әр азамат өзінен бастап тәрбиелеуі керек.

Нұсқаулық:

1. Кішкентай ғана олқылықтың арты, үлкен мәселе тудыруы мүмкін екендігін ұмытпаңыз. Мәселен, қарапайым бөлменің жарығын айтайын. Ерініп қшірмей кетіп жатамыз. Енді, ойланып қараңыз, сіздің бір шамды өшірмеуіңізден басқа бір жерлдегі шамдар күйіп жатады, немесе қаншама артық энергия көзін сіз босқа жіберіп жүрсіз. Тым құрымағанда жарықсыз өмір сүріп жатқан халықты бір ойлаңыз. Шешім: бүгіннен бастап жарықты үнемді пайдалану; Тек жарыққа ғана емес, суға да, газға да қатысы бар.

 2. Қоқыс мәселесі. Бір ғана Алматының өзінде сыртқы жағында қоқыс тастайтын үлкен жерді есіңізге түсіріңіз. Қосымша, сол қоқыстың қаншалықты улы газ тазартып, ластап жатқандығын ескеріңіз. Шешім: үйден қоқысты шығарарда оны іріктеп барып тастаңыз. Яғни, шыныларды бөлек, қағаздар бөлек т.б.

 3. Жұмыс барысында парақты үнемді, ретті пайдаланыңыз. Макулатураның бар екенін білесіз. Парақты қоқысқа тастамай сонда өткізсеңіз болады.

4. Полиэтиленді пакеттерді қолданудан бас тартыңыз. Оның орнына майлық пакеттерді,қағаз пакеттерді қолданыңыз.

5. Бір рет қолдануға арналған пластикалық ыдысты қолданысыңыздан алып тастаңыз. Соның арқасында, жұмысшыларды утилизация процессі қиын жүретін қоқыстардан арылтасыз. Пластик заттарды қайта өңдеу барысында ауаға зиянды заттар қатты бөлінеді.

Қорытындыласақ: Әдетке айналдырыңыз! Жоғарыда айтқанымдай кішкентай әрекеттердің өзі дұрыс болмаса үлкен қиындық тудырады. Сондай-ақ, кішкентайдан бастап, дұрыс әрекет жасасаңыз, үлкен мәселелердің алдын аласыз. Қоршаған ортаны қорғауда экологиялық мәдениетті қалыптастырған жөн. Нұсқаулықтардың барлығын орындап жүрсеңіз экологиялық мәдениетті азамат болғаныңыз. Қоршаған ортаны қорғауды өзіңізден бастаңыз.

agaidarbagila 2.04.2016 пікір

Answer 1

Бұл өзекті тақырып. Өкінішке орай екінші астанамыз Алматы ең лас қалалар тізіміне кіреді.Меніңше, қоршаған ортаны таза ұстау үшін мына дүниелерді жүзеге асыру керек.

1. Қоршаған ортаны таза ұстау, қоқыс тастамау т.б. туралы жалпы халықтық мәдениет орнату керек. Бізде қоқыс жәшігіне тастауға ерінетіндер бар. Ал, Еуропа елдері халқында мәдениет қалыптасқан. Олар сағызды біз секілді жабыстырып кетпейді, қоқысты жәшікке тастайды.

2. Көгалдандыру жұмыстарын жүргізіп отыру керек. Ауаны тазалайтын бірден-бір табиғи құрал болғандықтан ағаштарды көптеп отырғызу артықтық етпейді.

3. Полиэтенді пакеттерді қолданыстан алып тастау керек. Себебі бұл зат не қайта өңдеуге жарамайды, не жою алмайсың (мысалы, қағаз топырақ астына түссе уақыт өте жойылып кетеді), Қолданысқа қағаздан жасалған пакеттерді алып келу керек

4. Ауаны ластайтын зауыт, фабрика түтіндерімен қоса машинадан шығатын зияны заттарда елеулі орын алады. Себебі, қалада көліктер көбеюде. Қаладағы көліктерді реттеу керек. Техникалық жағдайына байланысты  шектеулерді арттыру керек.

5. Қоқыс өңдейтін зауыт салу керек. Қаланың шетіне қоқыстарды үйгеннен, екінші ретті өнім жасауға болатын қоқыстарды іріктеп қайта өңдеу зауыттарын ашып, олардың санын көбейту керек.

Answer 2

Қоршаған ортары қорғау үшін қоқыс тастамау керек