Славян халықтары арасынан қазақ тілін еркін меңгерген президенттікке үміткер белгілі тұлға әзірге көрінбейді. Себебі, еліміздегі мемлекеттік тілдің мемлекет басқару ісінде қолданылуы төмен болғандықтан, олар қазақ тіліне атүсті қараумен келеді. Бірақ, еліміздегі өзге ұлт өкілдері арасында таза қазақша сөйлей-жаза білетін белсенді тұлғалар бар. Ондай танымал тұлғалар президент болуға, егер азаматтық құқы Конституциялық нормаларға сай келсе, ешқандай кедергісіз үміткер болуға құқы бар. Ескерте кету керек, "менмлекеттік тіл" мыңдаған қазақ ұлты өкілдері үшін де алынбас қамал болып тұр. Сондықтан, олар да конституциялық заң бойынша президенттік орынға таласа алмайды. Бұл жерде олардың "өз құқықтарын өздері шектеп отырғанын" атап айта кету керек.
