Құрметті Сұрақ-Жауап сайтының қолданушылары, оқырмандары!
Осыдан 5 жыл бұрын 2010 жылдың 10 қазан күні өз жұмысын бастаған Сұрақ-Жауап сайты бүгін 5-ке толып жатқан жайы бар. О бастан барша Қазақстандықтарға қол ұшын созып, пайдалы ақпараттар мен сұрақ-жауаптарды бір ортаға топтастыру мақсатында ашылған Сұрақ-Жауап сайты сіздер үшін аянбай еңбек етіп келеді.
Сұрақ-Жауап сайты бұл: "Өзіңе қызықты кез келген тақырыпта сұрақ қойып, жауап алуға мүмкіндік беретін танымдық сайт."
Осы 5 жыл ішінде Сұрақ-Жауап сайты біршама биіктен көрініп, сіздер үшін еңбек етіп келеді. Жоба арқылы танысып, отау құрған сайтымыздың белсенді қолданушыларымыз да бар екендігін мақтанышпен айта аламыз. Көптеген қолданушылар өздеріне тек онлайнда да емес офлайнда да дос тауып, үлкен бір қауымдастыққа айналып жатқандығы біздің жасап жатқан еңбегіміздің ақталып жатқандығын білдірсе керек. Бұл күн сіздердің мерекелеріңіз, себебі Сұрақ-Жауап сайты сайт әкімшілігінің сайты емес, бұл сіздердің сайттарыңыз. Мерекелеріңіз құтты болсын, достар!
Құдай қаласа Сайт ұжымы сіздер үшін еңбек етіп, жақсы жаңалықтармен қуанта бермек.
Сәтін салса жаңа жылдан бастап Сұрақ-Жауап сайты толықтай
www.surak.szh.kz доменіне көшсе,
www.market.szh.kz домені бойынша қазақ тілінде жарнама беру алаңына айналады.
www.szh.kz бетінде сұрақтар мен жауаптар ғана болмай, қазақ тілінде жаңалықтар, фото-видеожаңалық, сұхбаттар т.б. орналасып шағын бір порталға айналдыру жұмыстары жасалынып жатыр.
Осы 5 жылдыққа орай шағын бір мерекелік шара, конкурстар ұйымдастырамыз деп жоспар құрғанбыз. Өкінішке орай жағдайларға байланысты жоспарымыз өзгеріп кетті. 5 жылдықты ескере отырып жыл соңына дейін сайттымыздың белсенді қолданушыларына деген естелік сыйлықтарымызды міндетті түрде салып жіберетін боламыз!
Бізбен бірге болыңыздар! Өз сұрағыңды қой!
Құрметпен Сұрақ-Жауап сайтының ұжымы!
