Салеметсізбе! Күршім ауданының Теректі және Қалжыр ауылдары арасындағы жол 124 шақырымды құрайтын «Омск-Майқапшағай-Қалжыр-Теректі» республикалық тас жолының бір бөлігі болып табылады. 2014 жылы жоғарыда айтылған жолдың 14 шақырымы 112 млн. теңгеге жөнделді. Ағымдағы жылы осы бағыттағы жолды жөндеу жұмыстарына 100 млн. теңге бөлініп, он шақырым жол жөнделмек. Бүгінгі күні «ҚазАвтоЖол» Ұлттық компаниясы» АҚ жолды жөндеу жұмыстарын жүргізетін мердігерді анықтау үшін мемлекеттік сатып алу конкурсын жариялау бойынша дайындық жұмыстарын жүргізуде.
