Мен 18-дегі (2 айдан кейін 19) жігітпін, алдымда болашаққа қарай көптеген жолдар тұр, бастыларын жазайын.. Қайсысын таңдағаным дұрыс? Кеңестеріңіз керек..
1) 2014-жылы ҰБТ-дан сүрінгеннен кейін, таныстар арқылы колледжге, соңғы курсқа, грантқа, "құрылыс және жобалау" деген бір мамандыққа оқуға түстім (бос жүрмеу үшін, стипендия үшін), ол оқуды бітірдім осы маусым айында, диплом бар, енді универге архитектор мамандығына екінші курстан түсуіме болады екен, бірақ мен колледжде түк оқымағандықтан, бұл мамандық жайлы көп нәрсе білмеймін, әрі бұл мамандықта істеуге қызықпаймын, оның үстіне грантқа түссем де универге қаржы керек, ал мен босқа шығындалғым келмейді, ойларыңыз қандай, сәулетшілікке оқығаным дұрыс па?
2) Білімсіз адаммын, білімге құштар емеспін.. Бір айдан бері интернеттен шаштараздардың керемет шаш қию үлгілерін, стильдерін көріп, қызығып жүрмін, алдың қызықпағанмын, екінші жол осы, яғни күзге дейін жұмыс істеп, сосын үш ай күзде шаштараз курсын оқып алу (Құдай қаласа), бірақ, бірақ дейтін кедергілер көп сияқты..
3) Қазір жұмыс бар Аллаға шүкір, сол жұмысты күзге дейін істеп, күзде әскерге кетсем бе деп жүрмін, үшінші жол осы..
4) Жылдың соңына дейін қаражат жинап, бір кішігірім бизнес ашсам немесе көлік алсам, Алла қаласа әрине, қалай болар екен?..
5) Қазіргі жұмыста істей берсем, солай жаймен бір жұмыс орнында көтеріле берсем? Жұмыстың айлығы жақсы, бірақ өзіме ұнамайды..
Қазірше осылардан біреуін таңдау керек.. Бұлар ата-анамның материалдық қолдауынсыз жасалуы керек жоспарлар.. Жалпы, ешкімнен материалдық көмек күтпеймін.. Көп созбайын, сіздерден кеңес керек.. Таныс еместердің де ойын білу артықтық етпейді..
