Әдетте келбеті келіскен бір адамның жайсыз қылығын, қыршаңқы мінезін, арам ниетін байқап қалсаңыз, әлгі адам көз алдыңызда сол баяғыдай әдемі болып көріне бере ме? Әлде неге екені белгісіз тартымдылықты байқай алмай қаласыз ба?
Бір рет қалааралық автобусқа уақытынан ерте отырып алыппын. Жолаушылар біртіндеп кіріп жатты. Бір кезде аппақ көйлек киген, жасы шамамен отызға келіп қалған бір қыз кірді. Көргенде "Сұлулық деген осы шығар!" деп ойладым. Кітаптағы жазушылар суреттейтін сұлудың бейнесі екен. Бір кезде әлгі қыз жүк қоятын жерге сөмкесін қойып жатып: "Апай! Мынау вообще менің қоятын жерім ғой. Қарамайсыз ба дұрыстап!" деп дауыс көтерді де көрші орындықтағы апайға жүгін алып ұстата салды. Содан кейін қанша қарасам да әлгі қыздың бойынан еш сұлулық байқай алмадым.
Сіздерде осындай жағдай бола ма? Егер қылығына, мінезіне қарай адамның келбетті болып көрінетін-көрінбейтіндігі анықталатын болса, біз сұлулықты тек көз арқылы көрмейтін болғанымыз ба? Қалай ойлайсыздар?
