Мен 2014-жылдың түлегімін, сонда да жауап бергім келіп тұр.
ҰБТ-дан 125 алу әрбір түлектің арманы екені рас, тіпті 125 ала алмайтынын білсе де армандайды) Мен де 125 армандадым, иә жай ғана армандадым және ол арманым арман болып қалды..
Пробныйларда шыны керек 75-80 баллдан аспағанмын, асу үшін өз бетімше үйде ғана әрекет жасадым, себебі, кітаптар мен қосымша сабақтарға ақша құртқым келмеді (жоқ ақшаның несін құртамын)), мектепте тегін қосымша сабақтар болатын, бірақ тегіннің аты тегін ғой, бір-екі рет тегін қосымшаға барған соң нәтиже шықпасын білдім, содан үйде интернетте сайттарды және тапқан ескі кітаптарымды ақтарып дайындалдым..
Ал шынайы ҰБТ-да таза баллым (орыс тілінсіз) 60-тан асатын шығар деп үміттендім..
ҰБТ-ға дейін гойморитпен ауырдым, ҰБТ кезінде де ауырып қиындықпен тапсырған болатынмын, тәннің ауырғаны ештеңе емес дәл сол күндері жанның ауырғаны қиын болды (жеке басымдағы оқиғалар ғой)..
ҰБТ-ны да қаншама қиындықтармен әйтеуір тапсырдым, нәтижесі нашар екенін сезіп отырған шығарсыздар, жалпы ұпай 65, тазасы 53, матемнен бағам 2 (пробныйларда ешқашан 2 алған емеспін)..
ҰБТ күні 01.06.2014 нәтижесі шықпай тұрып, үйге келіп ешкімге көрсетпей жылап алғанмын жігіт болсамда)) не үшін жылағанымның нақты себебін білмеймін, бірақ оңайлықпен жылай қоймайтын адам едім, бір қызығы жылағанымды ешкім ешқашан көрген емес (сәби кездегі жылағандарды есептемегенде).. Қанша қатал болсам да көңіл босайтын кездер болып тұрады...
ҰБТ-ның нәтижесі шыққанда қатты қайғырмадым, басқалар жылап, аңырап жатыр, ал мен белгісіз бір күйде болдым.. Сосын үйге келіп бір күн бөлмеме тығылып алдым, 2-3 күн жындының күйін кешіп көшеге шықпадым, одан кейін күйбең тіршілік қайта басталды..
Бір түсінгенім, 125 жинасақ та, 25 жинасақ та жақын адамдарымызсыз ешкім емес екенбіз..
Қазір колледжде архитектор мамандығында оқып жатырмын, нақтырақ құжаттарым оқып жатыр)) Бұйыртса, осы жылы КТ тапсырамын, жақсы жинасам универге түсемін, жаман жинасам да жоғалтатын ештеңем жоқ, әскерге кете саламын))
Менің сандырақтаған оқиғамды оқығандарға рахмет. Аз балл жинағандар, мұңаймаңдар, ҰБТ өмірдің соңы емес, керісінше БАСЫ.. Ал жақсы балл жинағандар, құттықтаймын, еңбектеріңнің жемісін көріңдер. Тағы да рахмет..
