Орманда жүргенде қара киіммен байқаусызда қайың діңіне сүйкеніп қалған адамның киімінің әр жеріне бор тәрізді ақ зат жұғып қалады. Бұл қайыңның қабық жасушаларына жиналатын ақ түсті бояу заты - бетулин. Қайыңның бұл ақ түсті сыртқы қабыршағын қайыңтоз дейді. Қайыңтоз ағаш сүрегіне қорғаныш тонның қызметін атқарады. Ол қалаған кірпіш сияқты бір-біріне тығыз жабысқан жасушалардан тұрады. Олардың аралықтары қуыссыз жымдасып кеткен. Мұндай жасушаларды ботаника тілінде тозданған жасуша дейді. Ондай қайыңтоз су мен ауа өткізбейді.
