Әр нәрсенің өз уақытымен болғаны жақсы ғой. Біраз уақыт жастық шақтың дәмін тату керек деп ойлаймын. Мұндағы айтпағым көше кезіп қыдыру емес. Оқу бітіре салысымен отбасын құрады ғой жастарымыздың көбі. Отбасылы болған соң арқаға ауыр жүк артылады, жауапкершілік күшейе түседі. Соған бола көбі арманынан бас тартып жатады. Кеш шаңырақ көтерсін демейм, жас кезінде арманына қарай бір талпыныс жасап көру де мағыналы нәрсе сияқты. Әрине, махаббат пен отбасы бұдан әлдеқайда мәнді екені рас. Шын махаббатын жолықтырса немесе қыз жүкті болып қалса қанша ерте болса да тездетіп үйленуді құптаймын. Ал бәрі үйленіп жатыр ғой деп дүрмекке ілесіп, асығудың қажеті жоқ сияқты.
