Бұл мәселе ҚР Үкіметінің 2007 жылғы 29 желтоқсандағы «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» №1400 қаулысымен реттеледі. Қаулының қосымшаларына сәйкес: 1) денсаулық сақтау ұйымдарының дәрiгерлерiнен, орта буын медицина қызметкерлерiнен, санитарларынан басқа қызметкерлерiне және білім беру мекемелерiнiң медицина қызметкерлерiне – туберкулездік интоксикацияға шалдыққан, туберкулездiң бастапқы және басылып бара жатқан түрлерiмен ауыратын, дене дамуында ауытқуы бар, психикасы, сенсорлық функциялары мен бөлiс функциялары бұзылған балаларды, инфекциялық-паразитарлық, гериатриялық ауытқушылықтары бар терi-венерологиялық, психотерапевтік сипаттағы аурулармен ауыратын науқастарды емдеу, оңалту және сауықтыру үшiн базалық лауазымдық жалақыдан 20%; 2) туберкулезге қарсы мекемелердiң, диспансерлердiң, орталық аудандық ауруханалар бөлiмшелерiнiң және басқа да денсаулық сақтау ұйымдарының, санаторийлердiң, санаторий-профилакторийлердiң, емдеу-өндiрiстiк шеберханаларының, бөлiмшелердiң, палаталардың, туберкулезбен ауыратындарға арналған оқшаулағыштардың, емдеу-алдын алу мекемелерiнiң, интернат үйлерiнiң, туберкулезге қарсы кабинеттердiң дәрiгерлерiнен, орта буын медициналық қызметкерлерiнен, санитарларынан басқа қызметкерлерiне БЛЖ-дан 60% қосымша ақы қарастырылған.
