ҚР ІІМ Төтенше жағдайлар комитеті мамандарының түсіндіруінше, эвакуация – төтенше жағдайлар аймағынан немесе адамдар мен өндірістерді қауіптен сақтау үшін қолдан жарылыс жасалатын аудандардан халықты және материалдық құндылықтарды көшіруді ұйымдастыру. Егер әңгіме осындай жағдай туралы болса, онда азамат мемлекеттік мекемелердің, жергілікті атқарушы органдардың көмегіне алдымен жүгінуі тиіс. Өйткені ҚР Үкіметінің қаулыларына сәйкес, төтенше жағдай кезінде немесе төтенше жағдай тәртібі енгізілген әскери мезгілде эвакуациямен жергілікті атқарушы органдар айналысады. Мұндай жағдайда тұрғындардың мәліметтері, хал-ахуалы, керекжарақтары есепке алынуы үшін эвакуациялық комиссия да құрылады.
