1. "Денсаулық пен Байлық"
Бір күні Байлық пен Денсаулық дауласып қалыпты. Байлық:
— Менсіз адам бақытты бола алмайды! – деп мақтанады.
Денсаулық:
— Ал мен болмасам, сенің де еш пайдаң жоқ! – деп жауап береді.
Олар дауларын шешу үшін бір бай адамды таңдап, оған сынақ жасайды. Бай адамға Денсаулық кетіп қалады да, ол ауырып, төсектен тұра алмай қалады. Ал оның байлығы ешқандай көмек бере алмайды. Сонда бай:
— Денсаулық болмаса, байлықтың да мәні жоқ екен! – деп түсінеді.
Түйін: Денсаулық – ең үлкен байлық.
2. "Витаминдердің патшалығы"
Бір күні Әли деген бала үнемі чипсы мен тәтті газдалған сусын ішіп жүреді. Бір күні ол көкөністер мен жемістердің елінде түс көреді. Ол жақта Витамин А, В, С және Д өмір сүреді. Олар Әлиге былай дейді:
— Біз сенің ағзаңа өте қажетпіз! Көздерің жақсы көруі үшін – мен керекпін! (А витамині)
— Қуатты болу үшін мен керекпін! (В витамині)
— Суық тимеу үшін – мен бармын! (С витамині)
— Сүйектерің мықты болсын десең, мені ұмытпа! (Д витамині)
Әли оянып, енді тек пайдалы тағамдар жеймін деп шешеді.
Түйін: Дұрыс тамақтану – мықты денсаулықтың кілті.
