Шекісу. Біреумен біреудің қарсы келігі, қақтығысып, ұрсысуын осылай да айтамыз. «Қатуланса қалың ел, хан тәремен шекісер (М. Әуезов Таңд. шығ.). Сөздің тұңғыш тұлғасы мен мағынасы түркі тілдерінің ішінде чуваштарда сақталған тәрізді, «шеекееш» немесе «сеекееш» тұлғалы сөздер біздің түсінігіміздегі «сүзісу» мағынасында көрінеді. Біздің байқауымызша, чуваш тіліндегі «сеекееш»— қазіргі қазақ тіліндегі «сүзіс» сөзінің ертедегі дыбыстық құрамы. Дыбыстардың сәйкестік заңы бізге осылайша қарауды талап етеді. Ал мағына жағы — бейнелеп, ұқсата көрсету нәтижесі. Адамдар сүзіспейді, оның орнына сөздерін сүзістіреді, қақтығыстырады.
