Айтып отырғаныңыз "Көрісу күні" болса керек (суреттеріңізге қарап солай ойладым), Көрісу тек Қазақстанның батыс облыстарында ғана тойланады. Әсіресе Ақтау, Атырау облыстарында, сосын 14 наурызда.
Қазақтың ескі күн санауы бойынша Наурыздың 13-і күні қыстың тоқсаны бітіп, көктем басталады. Бұл күні әр адамның «көктеммен бірге көңілі де жаңаруы тиіс» деген түсініктен шыққан болса керек. Бұл күні ағайын-туысты, көршілерді аралап көрісіп "бір жасыңызбен", "бір жасқа шығуыңызбен" деп тілек айтып амандасады.
Менің ойымша бұл мерекенің маңызы сол бұл күні адамдар реніштерін ұмытып достасады, көптен көрмей жүрген ағайындар жолығысады, (алыста жүрген балалары ата-анасына келіп көрісу керек). Мысалы сол күні біздер барлығымыз қара шаңыраққа жиналып мәре-сәре болып қаламыз.
(Көрісу туралы жаза берсем көп негізі, керек болса тағы жазармын)
