Қайырлы күн достар!
Сұрақ-Жауап сайтында белсенді қолданушыларды марапаттау сайысы өте қызықты өтуде. Келесі Наурыз айында да бұл сайыс өз жалғасын табады. Әзірге Наурыз айында да нақты өткіземін деп отырмын, егер сайтымызға жарнама келетін болса, бұл сайыс бір жыл бойы әр ай сайын жалғасатын болады. Сондықтан нақты шешімді алдағы уақытта айтармын.
Әзірге Ақпан айының белсенді қолданушыларының тізімін жариялап тастайын!
Белсенділерді анықтамас бұрын: Сайттың алғашқы бетіндегі белсенді қолданушыларды анықтау автоматты түрде жүргізілгенімен, нақты шешімді өзім қабылдаймын. Сайыстың ережесінде көрсеткенімдей, менің тарапымнан ең жоғарғы баллды өзі ізденіп жауап берген, мейлінше арнайы мамандардан алынған жауаптар жоғарғы балл алады деп айтып өткем. Толық ережесі мұнда. Сондықтан мен бірінші орында тұрған едім, неге мен үздік 5-еудің қатарында жоқпын!- деген өкпе-реніш болмасын. Осында неге мұндай шешім қабылдағаным туралы ашық жазып отырмын. Кейбір қолданушылар балл жинау үшін, басқа жауаптар алынбай жатып-ақ, өзі жауап беріп пікірде және жеке хат арқылы менің жауабымды жақсы жауап деп басшы деген іс-әрекеттерді де көріп жүрмін. Мен баллына қарап емес, сайттағы белсенділігі мен жауаптарының ешбір жерде қайталанбай, көшірілмеген уникалды мейлінше нақты жауап берілгендігіне қарай белсенділерді анықтаймын.
Ақпан айының белсенді қолданушылары:
1 орын: Злой
2 орын: Шыңғыс
3 орын: Биология (Денсаулық тақырыбындағы сұрақтарға, белсенді жауап беріп, қолданушыларға қол ұшын созып жүрген қолданушы)
4 орын: Орынбасар
5 орын: Ayan Arkharbek
Барлық қолданушыларды жеңістерімен құттықтаймын! Бұл аздаған қаржылай сыйлық арқылы ұйымдастырылып жатқан шара болғанымен, алдағы уақытта ұйымдастырылатын үлкен шараларға дайындық деп ұқсаңыздар болады. Ірі компаниялармен келіссөз жүргізіп жатырмыз, егер бір шешімге келетін болсақ бұдан да үлкен қомақты сыйлығы бар жарыстар болып қалуы ғажап емес.
Жеңімпаз қолданушыларға жеке хат арқылы қалай марапаттарын алуға болатындығы туралы ақпарат жіберемін.
Жалпы Сұрақ-Жауап сайтында белсенді болып, өз білгенімен бөлісіп, сұрақ қойып, сауапты іс-істеп жатқан барша қолданушыларға алғысымды білдіремін.
Төменде Ақпан айында белсенді болған 20 қолданушының тізімі:
