"Көзі ашық, көкірегі ояу" не деген мағынаны білдіреді

Question

Қазақта осындай сөз бар ғой. "Көзі ашық,көкірегі ояу" не деген мағынаны білдіреді? Қандай жағдайда айтылады?

Answer 1

Бір сөзбен айтқанда білімді, адамгершіл, жақсы қасиеттердің бәрі бойында бар деген сөз. Қазір көп адамда ондай қасиет жоқ. Сол үшін де қазақтар алға баса алмай жатыр. Көзі ашық - білімді, көргенді, тәрбиелі; көкірегі ояу - адамгершіл, біреудің жағдайын түсіне білетін, қандай жағдай болса да ұғатын адам.

Comments

Мен сондаймын десемде болады.

---

Онда жақсы екен. Сіз үшін қуаныштымын. Себебі көбі қазір ондай емес.

Answer 2

Көпті көрген, мәселенін мәнін біліп, түсінетін адамға айтылатын теңеу

Answer 3

«Көзі ашық, көкірегі ояу» — саналы, білімді, парасатты және дүниетанымы кең адамды сипаттайтын қазақ халқының тұрақты тіркесі.

Бұл сөз тек оқып-тоқыған сауаттылықты ғана емес, айналасындағы құбылыстарды терең түсінетін, ішкі рухани байлығы мол, жақсы мен жаманды айыра алатын кемел тұлғаны білдіреді.

Тіркестің мағынасы екі бөліктен тұрады:

Көзі ашық: сауатты, оқыған, әлемдегі жаңалықтардан хабардар.

Көкірегі ояу: жүрегі таза, ішкі рухани әлемі оянған, ұлттық құндылықтарды бағалайтын, ақыл-парасаты жоғары.