Шаңырақ көтеріп , үй болғалы жатқан жастар арасында махаббат болуы керек. Дегенмен , көзсіз ғашық болуға болмайды. Адам өз болашағын , балаларының болашағын , отбасының болашағын ойлауы қажет. Жігіт өз жағдайын жасап , ата-анасына ауыртпалық түсірмейтін жағдайға жеткеннен кейін ғана , асықпай үйленуі қажет. Қыздар болса , тұрмысқа шығар алдында жігіттің жағдайына қараулары керек деп ойлаймын. Әрине , бұл ана жігіттің машинасы бар екен немесе үйі үлкен екен деп залым ойлармен тұрмысқа шығу керек деген сөз емес. Үй-күйі жоқ адамға тұрмысқа шығып , үйде жейтін нан болмай отырған кезде адам бақытты болады деп ойламаймын. Сонымен қатар қыздар да өз жағдайларын жасауға тиіс. Сондықтан үйленер алдында материалдық жағдайларына да мән берген дұрыс. Тек қана бұл айтылғандар емес , жігіт пен қыздың арасында сыйластық , сенім болуы қажет. Жай ғана махаббатпен отбасы құру қиын. Қандай жағдай болмасын бір біріне түсіністікпен қарап , сүйеніш бола білулері керек. Кім білер, кейін бірте - бірте бауыр басып, сезім де пайда болар. Бір сөзбен айтқанда , махаббат болмаса да , бақытты отбасын құру мүмкін деген ойдамын. (:
