Йгүнеки Ахмед (Әдиб Ахмед ибн Махмұд Йгүнеки, ХІІ-ХІІІғ.ғ.) ойшыл, ақын. Түркістан маңында дүниеге келген. Көп оқып, білімдар (әдиб — «оқымысты, жазушы» деген ұғымды білдіреді) атанған, түркі, араб және парсы тілдерін жетік білген. «Ақиқат сыйы» атты әйгілі дидактикалық поэма жазған. Дастанның түпнұсқасы жойылып кеткен, үш қолжазбасы және олардың үш түрлі үзінділері сақталған (Стамбул). Оның біреуі Сауран қаласы әмірінің бұйрығымен көшірілген. Қазақшаға аударылып, араб тіліндегі нұсқасымен қоса 1985 жылы «Ғылым» баспасында жарық көрген.
