Жаңа жылдың әр елде әр кезде мерекеленіп, әр халық өз салт-дәстүрімен қарсы алатындығы хақындағы деректерді көбіміз біле бермейміз. Мәселен, Лаоста бұл күн ыстық маусымның аяқталып, жаңбырлы кезеңнің басталатын сәуір айының ортасында мерекеленеді. Сонымен бірге непалдықтар да өздерінің жаңа жылдарын 13 сәуір күні атап өтеді. Жыл санауларын күн күнтізбесі бойынша есептейтін бұл ел ХХІ ғасырдың күн парағын әлдеқашан ашқан. 2009 жыл – Непал үшін 2066 жыл болып саналады. Грегориан күнтізбегін қабылдағанға дейін Қытай, Жапония, Корея елдері жаңа жыл мерекесін 20 қаңтар мен 18 ақпан аралығында мерекелеп келгені белгілі. Римдіктер азаматтық жылдың басталуын 1 қаңтар күнінен санаған. Ағайын – туғандарға, жора – жолдастарға, жақын – таныстарына құттықтау хаттарын жазып, базарлықтар сыйлауды ең алғаш римдіктер ойлап тапқан. Көптеген араб елдері жаңа жылды Ай күнтізбегі бойынша атап өтуді дәстүрге айналдырған. Кезінде Юлиан күнтізбегін пайдаланған Еуропаның көптеген мемлекеттері жаңа жылды 7 қаңтарда мерекелесе, Англия 1752 жылға дейін жыл мерекесін 26 наурыз күні өткізіп келді. 1699 жылға дейін ежелгі дәстүр бойынша Ресей тұрғындары жаңа жыл мерекесін 20 желтоқсан күні қарсы алып келгені мәлім. Шығыс елдері дәстүрлі жыл басы мерекесін күн мен түннің теңелген күні яғни 22 наурызда атап өтеді. Қай ел, қай халық болсын, жаңа жылды салтанатты жағдайда мерекелеп, оған айрықша мән берген. Олардың жылды қарсы алудағы бір-біріне ұқсамайтын өз дәстүрлері бар. пысы: Бірақ маған бәрінен дә 31 желтоқсан-1 қаңтар "жаңа жыл" мерекесі ұнайды!Тіпті туған күнімнен де. Қазір қарап қалсам көшенің бір шетінде Тәуелсіздік мерекесі құтты болсын десе , екінші шетінде жаңа жыл құтты болсын деп жазып қойыпты арасынан 1-желтоқсан тұңғыш президент күні құтты болсын дегенді де көрдім, күлдім. (нақты мекен-жайы: Астана, Жеңіс даңғылы Бөгенбай көшесі ) Жаңа жылдық шыршаларды көшелерге қаздай тізіп қойған.Бірінен соң бірі көздің жауын алып.Плакаттар іліп, ағаштарды шамдармен безендіріп) Кішкене күтсе болмайды ма?! Тәуелсіздігімізді алған күнді жаңа жылды тойлаймыз деп ысырып қоямыз ба?.Ешқайда қашпайды ғой! :-)Қандай мереке болсын олардың жаманы жоқ! Қазақтар тойшыл халық қой тойлатып әр жерден мереке, мейрам шығарып алады)
