Сұрақ-Жауап сайты өз оқырмандары мен тұрақты белсенді қолданушыларын жинап үлгерсе де, сайтта әр саланың мамандарына тапшы.
Осыны ескере келе сайт қолданушыларына ұсыныс тастайын деген едім. Қазір Құдайға шүкір сайтымыз тұрақты жұмыс істеуде. Сайтқа ауыртпалық түсіріп, сайттың дұрыс жұмыс істеуіне кедергі келтіретін жағдайларды шешкендей болдық.
Өз саланың маманы.
Барлығымыздың достарымыз, аға-әпке, группалас, сыныптас, белгілі сала бойынша істейтін маман туыстарым бар. Сол сала мамандарын сайтқа тартумен айналыссақ қалай болады деген өтініш.
Мысалы: Үйде дәрігер әпкеміз болса, дәріге қатысты сұрақтарды жинастырып кешкісін үйге келгенде 15-20 минут уақытын алып сол сұрақтарға нағыз маман жауап берсе керемет болар еді.
Қазіргі кезде сайтымызға өте қажетті маман иегерлері:
- Дәрігер
- Заңгер
- Қаржы саласының маманы
- Мектепке қатысты сұрақтар. Яғни матиматика пәніне қатысты қойылған сұрақтарды, түсінікті етіп шығару жолдарын түсіндіріп бере алатын ұстаз.
- Психолог
- Тіл мамандары
- Өмірде көргені көп, ақыл, бағыт, кеңес бере алатын адамдар. Жако ағамыз бар. Бірақ тағы 2-3 үлкен аға, апаларымыз болса нұр үстіне, нұр болатын еді.
- тағы алып қосар мамандар тізімін, жауап ретінде жазсаңыз болады...
Мен де өз тарапымнан сайтқа мамандарды тартуға тырысамын. Келесі емес, арғы аптада университеттерді аралап болашақ магистрант, сала мамандарын сайтқа тартуды қолға аламын. Оған дейін келесі апта ішінде мен қазіргі сайттың мүмкіншіліктерін қалай қолдану керек жөнінде мәтін суретпен және одан бөлек видеонұсқаулықтар түсіріп жаңартамын.
Сайтта қалай тіркелу, қалай сұрақ қою, жауап беру, суретті қалай қосу керектігі туралы нұсқаулықтарды жазып әрі видеонұсқаулық форматында түсірмекпін.
Ол нұсқаулықтарды сайтқа алғаш кірген қолданушыға берсеңіз, сайтты қалай қолдану керектігін тез түсінетін болады.
Сайттың ішінен Видео-дан бөлек, контенттік 2-3 жобаны қосатын шығармын деген жоспар бар. Есесіне сайтта пайдалы ақпараттар топтастырылып, сіздер үшін пайдалы ақпарат болмақ. Егер араларыңызда белсенді болып, бос уақытымда қазақша видеоларды толықтырып, видео қосамын десеңіздер, алдағы уақытта хабарлама жариялаймын. Арнайы аккаунт ашып беріп, бос уақытыңызда видеолар қатырын толықтырсаңыз алғысым шексіз болар еді.
Блог. Сайттың ішінде қарапайым блог мүмкіншілігін қосу жоспарда бар. Онда сайттың қолданушылары сайтқа және басқа да арнайы санат бойынша блог жаза алады. Мақсаты қазақша контентті көбейтіп, қазақша ақпаратты бір сайтқа топтастыру.
Осындай толықтырулар сайтта орын алуы мүмкін.
Ең маңыздысы сайтқа өз саласының мамандарын тарту өзекті болып тұр. Достарыңыз, сыныптас, группаластарыңызды сайтқа тартсаңыз деген ниет. Кезінде сайтымыздың белді модераторы сайтымыздың логатипі және сайттың адресі бар көп қағазды шығарып, достарына, көшедегі адамдарға таратқан еді. Қуанарлық жағдай. :) Осындай креативті ұсыныстар болса, талқылауға дайынбыз.
Алып қосар ойларыңыз болса, жауап ретінде жаза берсеңіздер болады. Рахмет!
