Марапатталушының нақты негізгі
еңбегін көрсететін мінездемесі
Біліктілігі мен іскерлігі жыл өткен сайын шыңдалып келе жатқан
мектебіміздің І санатты, жоғары білімді
бастауыш сынып мұғалімі – Есболова Нұржанат Кемелхановна 2006 жылдың қаңтар
айынан бері Нұн Жұбаев атындағы орта мектепте бастауыш сынып мұғалімі боп
қызмет етеді.
Ол 2001-2005 жылдары Ш Есенов атындағы Ақтау Мемлекеттік Университетінде
«Педагогика және бастауыш сыныптар методикасы» мамандығы бойынша
білім алып, үздік дипломмен
бітірген.
Өз ісіне бейім, жаңашылдыққа ұмтылып үнемі іздену, үйрену жолында
табандылығымен, ұжым арасында қол ұшын беріп көмектесуге дайын тұратын қасиеттерімен
көзге түсіп жүрген Нұржанат Кемелхановна
бастауышта оқытылатын пәндерді терең білуімен қатар, мемлекеттік білім
беру стандартына сәйкес оларды оқытудың мақсаттары мен міндеттерін нақты
түсініп педагогика ғылымындағы озат іс –тәжірибелерді өз жұмысында тиімді
пайдалануының арқасында жақсы нәтижелерге жетіп келеді. Соңғы үш оқу жылында
Нұржанат сабақ берген сыныптарында толық үлгерім беріп, шәкірттерінің 60-65%
үздік, озат оқуларына қол жеткізді.
Есболова Нұржанат Кемелхановна бастауыш сыныптарға білім беру саласында 12
жылдан аса уақыт еңбек етіп келе жатқан маманымыздың бірі. Үнемі ізденіс
үстінде, жаңашылдыққа бейім ұстаз. Еңбек жолында мектепішілік, аудандық,
облыстық марапаттауларға ие. Оқушыларын республикалық, облыстық, аудандық,
сырттай қашықтық олимпиадаларға, әртүрлі байқауларғабелсене қатыстырып, жүлделі
диплом, алғыс хат иелері атанды.
1.
2016ж Бастауыш сынып оқушыларының Республикалық
қашықтықтан білім беру олимпиадасы
Жайлаубай А, Ермұханбетов Ш, Сотов Р, Амангелдіқызы Н,
Меке А,
І орын;
2.
2016ж
«Мериады открытий» халықаралық конкурсы
Бекзатұлы М, Бектас Ж, Онайбаева С. І орын дипломдары;
3.
2016ж Аудандық «Тәуелсіздікке 25 жыл» мәнерлеп оқу
сайысында Сотов Р. ІҮ орын дипломымен марапатталды;
4.
2017ж
«NIO» республикалық
бастауыш сынып оқушылары қашықтық олимпиадасы, Қуатбай Н, Амангелдіқызы
Н, Жаңаберген А, Сотов Р, Бектас Ж І
орын дипломдарымен марапатталды
5.
2017ж
«IQ CENTER» бастауыш
сынып оқушыларының республикалық байқауынан «Мәнерлеп оқу» сайысы бойынша Сотов
Райымбек І орын, Онайбаева София ІІІ орынмен, «Эссе, шығарма» байқауынан
Қылышбай Әдемі ІІІ орын дипломдарын иеленсе, Жұмабек А , Есмырзақызы Г ,
Әлібекқызы М , Жаңаберген А ,
Амангелдіқызы Н «Алғыс хатпен» марапатталды.
«Өрлеу» біліктілігін арттыру ұлттық орталығының «Алғыс хаты», респуликалық қашықтық олимпиадаларына жеңімпаз дайындағаны
үшін алғыс хаттармен, соның ішінде «Қазақстан ұстазы», «ККО.kz», «IQ center»
респуликалық олимпиадаларының алғысымен және халықаралық «Инфоурок» қашықтық
олимпиадасының «Алғыс хатымен» марапатталды.
Облыстық «Маңғыстау мұғалімі» газетіне,
Респуликалық ғылыми- әдістемелік
«Тағылым», «Білім бастауы» журналдарына мақалалары жарияланып,
сертификат, диплом, алғыс хаттарға ие болды.
Оқушылардың білімге деген құштарлығын арттыру жолында «Тиімді оқыту мен
оқу» біліктілік курсынан өтіп,
күнделікті сабақтарында оқыту мен оқудың жеті модулін ықпалдастыра өткізіп,
оқушылардың ойлау қабілеттерін арттыруға жұмыстануда.
Тренерлік курстан өтіп, мектепте
мұғалімдердің күнделікті сабақтарында оқыту мен оқудың жеті модулін
ықпалдастыру мен іс- әрекетті зерттеуі, жетекшісі болып, мұғалімдердің
жұмыстарына бақылау – басшылық жасап, көмек көрсетуде.
Халқымыз: «Ұстазы жақсының, ұстамы жақсы»- деп бекер айтпаса керек. Жақсы
шәкірттер жақсы ұстаздардан бастау алады.
Н.К. Есболова да осы қатарға лайық мұғалім.
Елбасы тапсырмаларын іске асыру
бағытында, отанымыздың болашағы жас ұрпаққа уақыт талабына сай білім мен тәрбие
беруде әріптесіміз Нұржанатқа табыстар биігінен көріне беруіне тілектестік
білдіреміз.
