Армысыз, «Неке (ерлі-зайыптылық) және отбасы туралы» Қазақстан Республикасы Кодексінің 138-бабының 1-тармағына сәйкес ата-аналар өздерінің кәмелетке толмаған балаларын, сондай-ақ жалпы орта, техникалық және кәсiптiк, орта бiлiмнен кейiнгi бiлiм беру жүйесінде, күндізгі оқу нысаны бойынша жоғары бiлiм беру жүйесiнде оқитын кәмелетке толған балаларын күтіп-бағу туралы келісім (алимент төлеу туралы келісім) жасасуға құқылы.
Дегенмен, егер ата-аналар өздерінің кәмелетке толмаған балаларына, сондай-ақ жалпы орта, техникалық және кәсiптiк, орта бiлiмнен кейiнгi бiлiм беру жүйесінде, күндізгі оқу нысаны бойынша жоғары бiлiм беру жүйесiнде оқитын жиырма бір жасқа дейінгі кәмелетке толған балаларына күтіп-бағу қаражатын ерікті түрде бермеген жағдайда, бұл қаражат олардан сот тәртібімен өндіріп алынады.
Сөйтіп, егер Сіз балаңыздың әкесімен сотта бітімгершілікке келген болсаңыз, онда сот бұл жөнінде өз тарапынан ұйғарым шығарған болар. Сол ұйғарымды орындау үшін сот атөару парағын сот орындаушыларына Сіздің өтінішіңіз бойынша жібере алады. Ал егер бұл бітімгершілік келісім сотпен бекітілмеген болса, онда әрине Сіз қайтадан сотқа алимент өндіру туралы арыз беру арқылы жүгіне аласыз. Мұндай жағдайда сот борышкерден алимент өндіреді.
