Ал мынаған не дейсiз? Алтын балықтар 3 секундтан соң қай жерде жүзіп жүргенін ұмытып қалады екен. Есте сақтау қабілеті 3 секунд қана деген сөз. Ең ақылды жылқы! Әріп танитын ақылды жылқы санауды да біледі? 54 жастағы америкалық Карен Мёрдок әлемдегі ең ақылды жылқының иесі болып табылады. Оның Лукас есімді жануары екі аяқтап отыруды және лақтырылған таяқты әкеліп беруді біледі. Сондай-ақ, 19 таңба мен әріптерді білетін ерекше жылқы санауды да үйренген. 10 жыл бұрын ат жарысына қатыса бастаған Лукас аяқ астынан ауырып қалған соң, оны қазіргі қожайыны асырап алған екен. "Мен бала күнімнен жылқы жануарын жақсы көремін. Сондықтан Лукасты көргенімде, оның ақылды екенін бірден білдім" дейді Карен. "Лукас менің бұйрығымды естіген бетте бірден айтқанымды орындауға тырысады. "Маған кел!", "Отыр", "Апорт" сыңайлы сөздерді дауыстап айтсам болды, құдды бір адам секілді құлдыраңдап іске көшеді. Қайталау әдісін пайдаланып, пішіндер мен сандарды үйреттім" деп ағынан жарылды ол. 19 жасар Лукас сөз түсінетін саналы ат ретінде Гиннестің рекордтар кітабына енген. Кареннің жары Дуг пен қыздары Анджела да атты ерекше жақсы көретін көрінеді.
