Кім жеңетіні қызық, ә?!. «Шын мықтыға тұсау жоқ». Қос қарсылас бұрын соңды бір-бірімен жолығып көрмеген. Бұл нағыз ойын, бүгін «Этихад» алаңы «майданға» айналады. Сыры ашылмаған қарсыластар болғанымен ойыншылар жағынан етене жақсы таныс. Кезінде Яя Туре «Барселонаның» шашбауын көтерген ойыншы, қазірде «Манчестер Сити» командасының негізі қозғаушы құрылғысына (ойын ұйымдастырушысына) айналды. Тұманды Альбион өкілдерінің қауқарлы командағы қарсы қойылған өзіндік жүйесі бар.
Сең бұзылды… Сонау «Уэмблиден» кейін ағылшын алаңдарына жасаған сапарлары сәтсіз болған «Барселона» футбол клубы осы бір қағиданы «қақ» айырды. Алғашқы тайм, айтарлықтай шабуылдар болғанымен гол болмады. Вальдестің жанкештілігі, Иньестаның ойынға араласуы, «Манчестер Сити» командасының ара-тұра қауіп төндіруі кездесудің бірінші бөлімімен ұмыт болды. Келесі таймдағы ойын барысы мүлдем өзгешелеу. Иньестаның пасын алған Месси, Харт қорғаған қақпаға жүйіткіп келе жатты. Дәл айып алаңына кіре беріс жерде артқы жағынан Демичелис шалып құлатып қане тоқтата алды Мессиді. Қайталау барысында үлкен қарауды қажет ететіндігін аңғардық. Оның алдындағы көріністер күдікті болып көрінді. Төреші Эрикссонның қалтасынан шыққан қызыл қағаз бүкіл «Сити» клубын құлдыратып кетті. Деичелис алаңнан қуылды. Бұл «көк жейделілер» үшін қасіретті сәттердің бірі болды. Іле-шала Пелегринни шешім қабылдады. Жасыл алаңға қос бірдей ойыншысын шығарды. Бірі Англия Кубогында «Челси» қақпасына жеңіс голын салған насри, енді бірі Джолеон Лескотт. Олардың ойынға араласуымен жағдай оңалып кеткен жоқ. Жалпы «Сити» ойыншылары екінші таймда Насридің бір, Сильваның бір ғана шабуылдарын айта алады. Қалған уақыттың бәрінде каталоньдық команда допқа иелік етті. Кездесу барысында бұрыштан бірнеше рет сытылып шығып соққы жасап жүрген Алвестің жұлдызы дәп ойын соңында жанды. Төреші қосқан уақыт аралығында Алвес гол салып үлгерді. Бұл «Сити» қорғаушыларының қателігі болып кетті. «Барселона» әзірге келесі кезеңге өтіп тұр. «Камп Ноуда» болатын ойын бүгінгі кездесуден қарағанда күрделірек болатын сияқты.Виктор Вальдес өзінің Чемпиондар лигасының плей-офф кезеңіндегі 50 ойынын өткізді.
«Манчестер Сити» футбол командасын биылғы маусымда «Этихад» алаңында тізе бүкітірген «Бавария», «Челси» болса солардың қатарына бүгін «Барселона» қосылды.
«МАНЧЕСТЕР СИТИ» (Англия) — «БАРСЕЛОНА» (Испания) 0:2 (0:0).
Манчестер. «Этихад» алаңы. Бас төреші: Юнас Эрикссон (Швеция).
Голдар:Месси 54 минутта пенальти арқылы (0:1), Дани Алвес 90 (0:2).
Сары қағаз алды:Алвес 23, Негредо 28, Коларов 37, Маскерано 76.
Қызыл қағаз алды:Мартин Демичелис 53.
«Манчестер Сити» (Англия):Джо Харт (Англия) , Пабло Сабалета (Аргентина), Венсан Компани (Бельгия), Мартин Демичелис (Аргентина), Гаэль Клиши (Франция), Хесус Навас (Испания) 58 Самир Насри (Франция), Фернандиньо (Бразилия), Давид Сильва (Испания), Яя Туре (Кот-д Ивуар), Александр Коларов (Сербия) 58 Джолеон Лескотт (Англия), Альваро Негредо (Испания) 74 Эдин Джеко (Босния және Герцеговиния).
«Барселона» (Испания):Виктор Вальдес (Испания), Даниэл Алвес (Бразилия), Херард Пике (Испания), Хавьер Маскерано (Аргентина), Хорди Альба, Хави, Серхио Бускетс, Сеск Фабрегас (бәрі Испания) 86 Серхи Роберто (Испания), Алексис Санчес (Чили) 74 Неймар (Бразилия), Леонель Месси (Аргентина), Андрес Иньеста (Испания).
http://www.alaman.kz/?p=55476
http://massaget.kz/sport/zhanalyktar/17068
