Біліңіз! Есте сақтаңыз! Барлық жақсылық атауы немесе жамандық атауы Аллах тағаланың тағдырымызға жазып қойғанынан.Егер сізге жер бетіндегі 6 миллиард адам келіп жамандық не жақсылық істегісі келсе,Алланың тағдырыңызға жазғаны ғана болады.Сондықтанда жақсылық та,жамандықта аллахтан болатынын ұмытпайық.Жын-шайтандар бізге зиян бере алмайды екен,егер біз оның тыйгандарынан тиылып жүрсек.Сол себепті олардан қорықпа Аллахтан қорық.Адамнан қорыққан адам,одан алыстағысы келеді,Аллахтан қорыққан адам оған жақындай түседі.Аллахтан көп кешірім сұраңыз.Ол жаман ойлардан арылтуын сұраңыз.жатарда дәрет алып (ықлас,фалақ,нас) сүрелерін оқып жатыңыз.
Аллах шифасын берсін!
ӨЗІҢДІ ОЙЛАДЫМ
Көңілімді күздің бұлты басқанда,
Көзімнен ерке күлкі қашқанда,
Нәурізек сынды нәзік сезімнің,
Күлтесін ызғар жұлқып ашқанда,
Мейірбан Алла, Өзіңді ойладым.
Тұқыртып тұрмыс қыспаққа алғанда,
Қабағымда мұң қыстап қалғанда,
Қолды бір сілтеп іш тартқандарға,
Керуен тартқан құстармен бірге,
Жылы жақтарға ұшпақ болғанда,
Жарылқаушы Тәңірім, Өзіңді ойладым.
Көңілдің көлі лайланғанында,
Ұршықтай басым айланғанында,
Көрмеуге лайық көкелерімнің,
Көлеңкесіне байланғанымда,
Құдыретті Раббым, Өзіңді ойладым.
Сағым бір сынған сағаттарымда,
Сабы алтын сапы жоғалтқанымда,
Арқардай менің арда достарым,
Арқасын бері қаратқанында,
Жаратқан Ием, Жаппар Құдайым,
Сен болдың жалғыз дәрмен, тірегім.
Өзіңнен жаным тыныштық тауып,
Өзіңнен ғана жәрдем тіледім.
