Бүгінде штанганың төрт түрі бар. 1) Олимпиадалық штанга, 2) Стандартты штанга, 3) ЕZ-грифті штанга, 4) Т-грифті штанга.
Олимпиадалық штанга грифінің салмағы 20 келі, ұзындығы 220 сантиметр болады. Ал диаметрі – 28 миллиметр. Оның дискілері 25 келі (қызыл түс), 20 келі (көк), 15 келі (сары) және 10 келі (жасыл) болып бөлінеді. Сондай-ақ 5, 2,5, 1,25, 1,05, 0,25 келілік кішкентай дискілері де бар. Алайда әйелдерге арналған олимпиадалық штанга сәл басқаша. Яғни грифінің ұзындығы – 2,05 метр, диаметрі – 25 миллиметр. Ал грифінің салмағы – 15 келі.
Стандарттық штанганың олимпиадалық штангамен аса көп айырмасы жоқ. Тек грифінің диаметрі 25 миллиметр болса, салмағы – 10 келі.
ЕZ-грифті штанганың грифі иректеу болып келеді. Сондай-ақ Т-грифті штангада дисктер тек бір-ақ жағына орналасады.
