Алтын босаға газетінде осы сұрақ қойылған екен. Саған соны жаза кетейін. "18адамға таратпасаң қиыншылыққа тап боласың...>> Рамазан айы басталғалы агентімді қосуға да қорқатын болдым. Түрлі смс-хабарламалар қаптап кетеді. Достарым, дін Ораза, Аллах деген сөздер жазылған түрлі мәтіндер жібереді де "осыны 18адамға таратпасаң анаңнан айырыласың" немесе "сенің алдыңнан қиыншылықтар шығады" дегенді қоса жазады. Амал жоқ, 18 адамға бұл смс-хабарламаны таратып шығамын. Осындай смс-хаттар кеше тағы келді. Арабша сөздермен бір нәрселер жазылған, артынша "үш күннің ішінде 20адамға жібер, Аллах саған 5 нәрсе береді бүгін" деп жазылған. Осы қаншалықты рас, шариғатымыз бұны мақұлдай ма? Егер таратуды ұмытып кетсем не болады? Ернардың хатынан Шымкент қаласы. ЖАУАП:Ернар, смс-хаттар арқылы "18адамға жібер, әйтпесе..." деп басталатын хабарларды қазақта "алыпқашпа әңгіме" деп айтады. Мұның шариғатта ешқандай негіздемесі және оған берілетін пәтуа да жоқ. Біреуге қазаның жетуі тек Аллахтың әмірімен болады, смс-хаттан емес. Пайғамбарымыз (с.ғ.с) "Бес ғайыптың кілтін бір Аллах тағала біледі. Соның бірі адамның өмірден өтуі" деген. Сондықтан сіз агентіңізді үрейленбей-ақ ашып, хат-хабарларыңызды оқи беріңіз және ондай мәтінді 18адамға жібермеуден қорықпаңыз. PS: Оқырман хаттарына ҚМДБ-ның ОҚО өкіл имамының орынбасары, "А. Қаттани мешітінің бас имамы Ербосын Орын жауап берді:
