Қаспақты жеме , тойыңда қар жауып кетеді дейді әжем. Тек маған ғана емес , үйдегі барлық балаларға қаспақ жегізбейді. Кей жақтарда қырмыш деп айтса керек. Қар жауып тұрған күндері , қиқулатып той көліктері тізіліп бара жатса "қайсы қаспақ жегеннің тойы бүгін "дейді жымиып. Ал атам қаспақ жегенде тұрған ешнарсе жоқ, қар-жаңбыр:жылауық, сараң , бар болса да жоқ дейтін, жылаңқы адамдардың тойларында жауады дейді. Атамның сөзінің жаны бар сияқты, кешегі апта , бір көкеміздің баласы үйленді, бала жайдары, алтын жігіт ал ата-анасы дүние қуған адамдар, беташарда да,тойында да жаңбыр құйып, боран болып ертесіне шайдай ашылды күн. Сонымен кімдердің тойы жауын -шашынды болып өтеді? Сіз не байқағансыз?
