Мейіз - жүзім жемісінен алынған, күнге кептірілген, тәтті ұсақ жеміс. Жер бетінде жүзімнен мейіз алумен айналысатын аймақтар көп емес. Себебі жүзім піскен соң оны кептіру үшін бірнеше апта жаңбырсыз, ыстық ауа райы қажет. Ондай аудандарға Испания мен Грекиядағы Жерорта теңізі маңайындағы аймақтар, Кіші Азия шығанағы, Оңтүстік Австралияның бір бөлігі жатады. Сан Хоакин мен Сакраменто тауының жазық алқабы - мейіз өндіруге қолайлы аймақтар. Бұл аймақтардың ауа райы тамыз айынан қараша айына дейін құрғақ, жауын-шашынсыз, ал, жақын маңдағы тауларда жүзімді суару үшін пайдаланылатын су көздері бар. Жүзімді жинап алған соң, бірнеше аптаға ағаш тақтайшаларға салып қояды. Одан соң жәшіктерге салып, тағы кептіреді. Тек содан кейін ғана жүзім жемістері арнайы зауытқа жіберіледі. Жүзім зауытта дүкендерде сатуға дайындалады. Арнайы машиналар оның бұтақтары мен қоқыстарынан тазартылады. Одан соң жүзім кептіріледі, арнайы ерітіндімен жуылып, тағы да кептіріп, дайын өнім пакеттерге салынады. Мейізге айналу кезінде жүзім өзінің бастапқы салмағының шамамен ¾ бөлігін жоғалтады. Жүзімнің шамамен он мыңдай түрі кездеседі. Мейіз жасау үшін құрамында кемінде 20% қанты бар, қабығы жұқа, сүйегі аз немесе сүйексіз жүзім сорттары пайдаланылады. Оның құрамында 87,5%-ке жуық қант болады. Жүзім сортына, оны өңдеу жолдарына, кептіру тәсіліне қарай мейіз екіге бөлінеді. Біреуін жүзімнің сүйексіз сортынан, ал екіншісін дәні бар жүзім сорттарынан дайындайды.
